第一日返工3個鐘竟因「太斯文」被即炒 港女感不解：完全唔知做錯啲咩

有一名港女早前在社交平台發文，表示自己失業多時，終於獲聘一份樓面工作，卻於第一日上班工作3小時，負責人便以「太斯文」為由解僱樓主。事件在網上引起討論。

港女做樓面太斯文第一日返工3個鐘就被炒

樓主在社交平台threads發帖，指自己第一日上班做樓面，但短短3小時就被解僱，原因是對方「話我太斯文，唔啱做樓面」。負責人表示會將她個人資料轉交公司，推薦她任職文員。

港女返工3個鐘即被炒。AI生成圖

網民：其實可以再同你溝通下

帖文引來不少網民留言，大部份網民都替樓主抱打不平，紛紛表示「香港人要快，炒人都要快」、「其實可以再同你溝通下，如果無改善先炒都未遲」、「東家唔打打西家！飲食業有大把工做」。亦有網民認為被解僱理由不合理，「我情願佢話夠晒人手，都好過話太斯文」，「佢講咩都係搵個位落台啫」。

斯文人的確不太適合從事飲食業？

但亦有留言認同斯文的人的確不太適合從事飲食業，「人哋唔想你難受先咁講，係服務業嘅世界，斯文嘅真正意思係慢」、「真係好想返，咪返啲好靜嘅西餐或者Cafe」、「飲食業就好似打仗咁，一埋位就要自己醒水、三頭六臂，無乜時間畀你慢慢適應」。

港女返工3個鐘即被炒。AI生成圖

樓主代入食客身分：最不滿就係樓面無禮貌

但針對斯文一點，樓主則有補充「好好對佢啲客、慢慢執枱，都係為間餐廳好」。她代入食客身分，「最不滿就係樓面收枱霹靂啪啦，仲有就係講嘢無嚟禮貌、粗聲粗氣大大聲咁」。

港女返工3個鐘即被炒。資料圖片

對於被解僱大為不解：完全唔知我做錯啲咩

樓主續指，店舖招聘時列明歡迎新手樓面，「其實想我做嘢快可以直接講，我可以快快手做嘢㗎」、「我第一日返工，你要求咁多做乜春啫？」。對於被解僱大為不解，直言「我完全唔知我做錯啲咩」。

港女返工3個鐘即被炒。資料圖片

屯門台式餐廳「仙桃居」近日在店內曲面電視播放電風扇擺動畫面，由於效果過於逼真，竟有女食客誤以為是真風扇，向店員要求「較低個風扇頭」！

由於效果過於逼真，竟有女食客誤以為是真風扇，向店員要求「較低個風扇頭」。Threads截圖

電視風扇惹出誤會

店主在Threads分享這段趣事，指「頭先有個阿姨話好熱，問阿妹可唔可以較低個頭，我分唔到佢曲定直定圓」，引發網民熱議。

由於效果過於逼真，竟有女食客誤以為是真風扇，向店員要求「較低個風扇頭」。Threads截圖

由於效果過於逼真，竟有女食客誤以為是真風扇，向店員要求「較低個風扇頭」。Threads截圖

網民：望到當吹到

事件曝光後，網民紛紛發揮幽默感留言：「望到當吹到」、「心靜自然涼，再望多陣就凍親」、「佢有開風扇㗎，只係你感受唔到啫」。更有人笑稱這部「虛擬風扇」完美結合現代科技：「曲mon直播圓形風扇，全部要素齊晒！」

源自內地商場「望扇止暑」熱潮

這股「視覺降溫」風潮其實源自內地，西安吾悅廣場早前在戶外巨型屏幕播放電風扇影片，逼真效果讓路人產生涼爽錯覺。其他城市商場隨後爭相仿效，成為今夏獨特的城市風景。

西安吾悅廣場早前在戶外巨型屏幕播放電風扇影片，逼真效果讓路人產生涼爽錯覺。小紅書截圖

其他城市商場隨後爭相仿效，成為今夏獨特的城市風景。小紅書截圖