大叔唔買嘢齋問店家唱散$500慘被拒 轉頭竟然咁做獲網民大讚：好有愛！

一位短褲大叔早前在深水埗鴨寮街一間店鋪玩貓，期間問店主唱散500元被拒，之後竟然做了一件讓網民「諗唔到會咁樣發生」的好事，獲網民一致大讚。

中年大叔笑笑口走向貓店長，並彎低身放了兩張一百元紙在牠面前。網上截圖

想唱散被拒後折返放下兩嚿水俾隻貓

不少店舖都有貓店長進駐，日前有朻主在社交平台Threads分享一件有趣的好事，他以「#愛貓人士 #深水埗鴨寮街」為題，並附上一段天眼短片，發文寫到「一大早個阿叔喺我哋鋪頭門口玩我哋隻貓，然後攞$500俾我，叫我幫佢唱散紙，我當然拒絕，冇諗到佢轉頭唱完散紙返嚟放低兩嚿水俾隻貓……」。

中年大叔笑笑口走向貓店長，並彎低身放了兩張一百元紙在牠面前。網上截圖

天眼短片記錄大叔暖心一刻

由片中所見，一位中年大叔笑笑口走向貓店長，並彎低身放了兩張一百元紙在牠面前，並摸摸牠的頭，然後就施施然離開。期間有途人目擊此幕為之側目，而隔壁店家的店員發現後，便即刻告訴涉事店主。

中年大叔笑笑口走向貓店長，並彎低身放了兩張一百元紙在牠面前。網上截圖

樓主解釋：如果錢有問題，邊個負責啊

樓主之後再放上貓店長的玉照為當日的發生的事再作補充「阿叔喺度玩貓，而我笑笑口任由佢玩，佢問我隻貓係咪我哋嘅，我點頭應咗，然後佢用佢一直揸住嘅$500直接同我講，你同我唱散紙，咁我同佢三唔識七，佢又唔係用問嘅方式，咁我點解要幫佢唱啊，係唔清楚對方意圖嘅時候邊個會幫陌生人啊，如果錢有問題，邊個負責啊......最後睇睇我哋隻愛貓幾有型，哈哈」。

隔壁店家的店員發現後，便即刻告訴涉事店主。網上圖片

多謝對方請隻貓食嘢

雖然當時樓主並沒有幫阿叔唱散錢，但卻換來意想不到的好事，他最後還是向大叔說多謝「不過最後我哋鋪頭都係好多謝阿叔咁大方請我哋隻貓食嘢，除咗阿叔，希望所有人都可以過得開開心心。我哋隻貓係好鍾意喺鋪頭門口曬太陽或走到隔籬鋪頭門口曬太陽，大家鍾意佢嘅話見到佢可以影相，雖然日日都好多人影，哈哈」。

樓主之後再放上貓店長的玉照為當日的發生的事再作補充。網上圖片

網讚：阿叔好cute!!!!

大多數的網友都被大叔的暖心行為感動了，留言「好似對小朋友噉，叔叔畀錢買糖糖食」、「叔叔， 你既罪證已被拍下， 祝你一切安好」、「阿叔好cute!!!!」、「叔叔So sweet 多謝你share出黎俾大家都知道」、「阿叔摸貓頭嗰下充滿愛，有時呢個世界就係咁，永遠都係以貌取人。」

網批：以小人之心度君子之腹

不過有網民就覺得樓主不幫大叔唱散錢好似是天經地義，但又理直氣壯地收下對方的好意，覺得事件值得樓主反思「同你唱錢 > 當然拒絕。係咩心態呢？ 今次心地唔好，但居然遇到好事，有冇令你反思呢」、「老闆以小人之心度君子之腹」、「咁你點睇你自己？」、「你拒絕左個呀叔，佢去第二度唱錢，仲再返來比$200你隻貓？？？ 呀叔好有愛對小動物」

有人力撐：擔心有機會是假鈔

但亦有網友力撐樓主「唔係幫襯，又無講咩原因，如果我係間舖都會有疑心而唔唱錢」、「站在店東的立場，擔心有機會是假鈔，唔唱錢比陌生人，這是十分正常的表現。」等。

另有一位網民似將涉事貓的相片PO上留言處，只見貓仔身旁有一大堆零食。網上圖片

另有一位網民似將涉事貓的相片PO上留言處，只見貓仔身旁有一大堆零食，似是店主已用大叔給的兩百大元，買了貓零食給貓主子。算是給大叔及網民們一個交代！

聖誕節就到，不少人都忙緊準備交換禮物。有網民就在社交平台分享了一份極具衝擊性的聖誕禮物，震撼到他即刻想「報警」！

樓主在Threads出帖呻爆。Threads截圖

收禮嚇到想報警

事緣有網民在社交平台發帖，呻爆同朋友交換聖誕禮物的「慘況」。只見該網民上載了相片並留言：「同frd交換聖誕禮物，收到呢個想報警。」相中見到，份禮物竟是一個印有熱爆全城的「何伯」同「新何太」深情咀嘴大特寫的咕𠱸！兩公婆閉目陶醉的樣子佔滿整個咕𠱸，畫面極之「奪目」。

有網民就分享了一份極具衝擊性的聖誕禮物，震撼到他即刻想「報警」。Threads截圖

網笑：係咪都可以叫做算有心思呢？

這個「世紀之吻咕𠱸」一出，網民即刻笑到飆眼水，留言話「全threads最Kam（戇居）嘅聖誕禮物頭十名非你莫屬」。不過，都有人佩服送禮者諗頭，笑稱：「諗到整呢個咕𠱸嘅人，係咪都可以叫做算有心思呢？」有網民就關心樓主同朋友「絕咗交未」，樓主就大方回應：「未，笑到傻咗。」

何伯何太一直是網民熱話

約77歲的何伯同年輕逾30年的「新何太」，早前因為在TVB節目《東張西望》訴苦，指450萬積蓄被子女「攞走」而成為全城焦點。兩人高調曬恩愛，加上何太頻頻爆出「你七街瞋，帽再根治我」等「金句」，一直是網民熱話。

何伯和何太因接受《東張西望》訪問而成為網絡紅人。資料圖片

一山還有一山高

正當眾人以為「接吻抱枕」已是極致時，留言區竟有另一位網友分享去年在公司抽獎獲得的「升級版」禮物，並上傳了照片與影片。這款「暗黑機關版」抱枕有兩種設計。其一與前述的接吻版類似，但「升級」為使用珠片材質。另一款則更為「瘋狂」，抱枕表面鋪滿銀色珠片，乍看之下閃閃發亮，充滿節日氣氛。

一山還有一山高。Threads截圖

一山還有一山高。Threads截圖

一山還有一山高。Threads截圖

然而，其暗藏巧思：只要用手輕輕拂過珠片表面，何太的大頭照及其經典金句「你七街瞋，帽再根治我」便會逐漸浮現，設計極具巧思。此「精巧」設計令網友大開眼界，形容其為「繼阿儀抱枕後的又一力作」，更有人笑言此抱枕「有助減肥…每次吃飯前看一看」。

聖誕交換禮物靈感來了

這兩份以「何伯何太」為主題的「驚喜」禮物，似乎為今年的聖誕交換禮物活動，立下了一個難以超越的「新標竿」。許多網民看後表示獲得啟發，留言稱：「D人問可以送咩X嘢我終於識答」、「今日有idea了，多謝你」。