葉蒨文（Sophie）在日前（22 日）播出的《女神配對計劃》中與曾展望（GM）和林澤謙的三角互動引起熱議，曾展望火力全開追女神，然而強烈的追求勢頭反而令葉蒨文有些望而卻步，她坦言自己感受到了不小的壓力。
在節目備受矚目的翻閱「答案之書」環節，葉蒨文翻到了「Hold On」這個答案。葉蒨文23 日透過社交媒體發文表示，留意到很多觀眾對她當時所言「我覺得是一個很好的答案」深感好奇，究竟此答案背後隱藏著何種深意，於是她決定藉此平台，袒露自己內心的真實想法。
點擊看圖輯
全文如下：
感謝團隊，另外解答一吓大家嘅好奇，答案之書抽到Hold On 我話: Hold On我覺得係一個幾好嘅答案，有好多人問我Hold On嗰下喺我心入邊代表咩呢？
其實我當時腦海有三個諗法同大家分享一下:
第一個hold on 係停一停諗一諗，係我對咁多個男嘉賓嘅第一印象，我觀察到嘅比節目組呈現嘅更加多。我接下來想用多啲時間深入認識佢哋，再觀察、選擇最適合我嗰個。
第二個hold on 喺期望Him 對我的堅持，我當時嘅保護名單唔係Him，但我有興趣繼續認識佢，
佢比我感覺係三個入邊最慢熱，識得察言觀色亦相對圓滑，相信會識得比情緒價值女仔。但相對冇咁容易表露自己嘅人，想睇佢更入邊嗰層，期待之後嘅交流。
第三個Hold on 係希望GM不要灰心，當下我仍然係對GM嘅好感仍然係最高，嗰下問起保護名單我諗起佢，我深刻記得佢離場時嘅失落。剪片冇剪到出嚟但係我個腦海入邊揮之不去，佢嘅真誠我係感受到，如果佢都想同我再拉近距離，我希望佢hold on，亦希望佢喺呢次食飯嘅經驗到更加了解自己。
嗰下我有咁多諗法、千言萬語，短短一句: Hold on 搞掂晒，所以本答案之書都真係神。
最後感謝大家陪我經歷這一切。
在 Instagram 查看这篇帖子
