為慶祝香港回歸祖國28周年，香港各界慶典委員會於2025年6月30日（星期一）假紅磡香港體育館舉行大型文藝晚會《星耀紫荊慶回歸》，當晚星光熠熠，由多位特區政府官員及中央駐港機構代表主禮以及多位實力與人氣兼備的藝人傾力演出，姚焯菲（Chantel）與詹天文（Windy）在演出後接受訪問，大談近況及工作趣事。
本網記者攝
本網記者攝
本網記者攝
Chantel談及早前完滿結束共13場的音樂劇《三‧八》，指聽到《相信一切是最好的安排》即爆喊，「可能係後遺症，依家講起都眼濕濕！」她坦言與工作團隊相處一個月如家人，突然告別猶如「屋企人突然唔見咗」。
本網記者攝
提到早前廣州見面會，Chantel大呻被蚊蟲攻擊：「室外派禮物時成身畀蚊咬，廣州啲蚊又毒又熱，差啲畀蚊抬走！」期間她分享經理人點奶茶鬧出的笑話：「佢話要蘋果奶綠，飲完話甜到漏，仲怪我冇提醒！其實推介蘋果茉莉綠先啱，清爽又唔甜，佢成日點錯嘢，成個奶茶界黑仔王。」
至於飲食習慣，Chantel透露現時飲奶茶只會揀3分糖：「依家開始養生，飲唔到太甜，柔美就成日飲7分糖，成個糖妹！」她笑指飲完珍珠奶茶會腹脹，「依家寧願食零食都唔敢飲，怕飽到企唔到台。」
本網記者攝
詹天文（Windy）剛完成重要唱歌專業試，「要揀三首歌抽一首唱，連台風、服裝都要評分，緊張到幾個禮拜瞓唔好！」她選唱Tori Kelly的《Language》，自認表現超越簽唱會版本：「今日唱到監考官都拍掌，真係好開心！」
談及暑假計劃，Windy原打算赴日旅行，因地震轉戰雲南：「好想睇人哋著云南姑娘衫，靚到呢！」而Chantel則分享當日學校巡迴（School Tour）的瘋狂時刻：「學生點歌點到停唔到，即興唱咗好多自己嘅歌，佢哋跟住大合唱，氣氛比演唱會更癲，成班人喺台上面玩到失控！」
本網記者攝
