由耀榮文化主辦的恒生銀行呈獻：《TheNextwave XX25 沙灘音樂節》載譽歸來，日前（7月5日）再次降臨愉景灣沙灘，第一場順利完成，吸引數千樂迷入場支持！
洪嘉豪、周興哲成為呢晚焦點，Kaho唱住《黑玻璃》出場時，沙灘尖叫聲四起，觀眾情緒高漲，全場手機燈海拍攝，甚至讓女友騎膊馬撐偶像，認真甜蜜：「依家真係好彩，我仲以為會落雨，所以帶多咗套衫嚟換，連內衣褲都帶埋。今日辛苦粉絲了，冒風雨來支持。」期間有台下粉絲大叫要Kaho除衫：「大家睇下呢幾位咁大隻(台下男粉絲)，仲使我咩！」
點擊看圖輯
Gummy B跟隨其後出場，他笑言製多台灣人因「地震預言」而徹夜未眠
沙灘尖叫聲四起，觀眾情緒高漲
Kaho呢晚演繹十一首歌曲，樂迷不時送花、送水槍，佢亦很貼心走近台前與粉絲打招呼：「好多謝各位祼男呀，終於有機會比啲男仔聽吓我唱歌啦，冇諗過佢地識唱我嘅歌，我冇諗過，反而女生就是基本吧！」
洪嘉豪
洪嘉豪
而周興哲呢晚擔任壓軸表演，第一首表演歌曲《怎麽了》，成功炒熱全場氣氛，粉絲high和唱，周興哲更不時向觀眾飛吻：「你們好嗎？ 好聽嗎？今日就當演唱會吧 。你們今天有被熱到嗎？我們現在很涼快，辛苦你們了。」期間周興哲大派福利，不斷向Fans派心氹得粉絲好興奮，他更表示9月在紅館舉行演唱會！
周興哲
周興哲
周興哲
呢日音樂節由Charming Way 打頭陣唱新歌《Time for a Miracle 》，主音張明偉不斷叫熱又話中暑，原來係為除衫作鋪排，隨即將上衣掟落台赤膊上陣，健碩身形引起台下粉絲尖叫。而創作歌手蔡宥綺為呢次音樂節，專程學廣東話跟粉絲互動：「今日好熱 飲多d水，小心中雪（暑）。」引得粉絲大笑。
至於台灣組合《我是機車少女》出場不久就開始落雨，幸好只維持10分鐘就停雨，演出未受影響。
Charming Way
來自台灣的鄭沐晴媽媽是印尼人，現場即席教粉絲用印尼話向旁邊人講我愛你，令全場圍繞浪漫氣氛！饒舌歌手Gummy B跟隨其後出場，他笑言製多台灣人因「地震預言」而徹夜未眠，但自己不相信而沒受影響，勉勵Fans要活在當下。
鄭沐晴
Gummy B跟隨其後出場，他笑言製多台灣人因「地震預言」而徹夜未眠
商業電台主辦《PURDORI呈獻2025年度叱咤樂壇流行榜頒獎典禮》，將於2026年1月1日晚上7時假亞洲國際博覽館ARENA盛大舉行。為配合今年主題「難先要你做」，叱咤903DJ聯同一眾歌手走訪不同中學，進行一連四場《PURDORI呈獻2025年度叱咤樂壇流行榜頒獎典禮》 之「難先要你做」校園巡演。歌手聯同中學生合力完成各項「百人挑戰」，在艱巨的過程之中， 以無比的堅持與決心，不斷突破及挑戰自己，實踐「難先要你做」的精神!
叱咤903Woody聯同洪嘉豪日前走訪林大輝中學，進行商業電台主辦《PURDORI呈獻 2025年度叱咤樂壇流行榜頒獎典禮》之「難先要你做」校園巡演第三站。
洪嘉豪化身「難題諮詢師」為同學解答難題，分享其歌手路上所遇到的挑戰，向學生分享如何透過努力提升自己，跨越不同的難關。
叱咤903 Woody聯同洪嘉豪日前走訪林大輝中學，進行《PURDORI呈獻2025年度叱咤樂壇流行榜頒獎典禮》之「難先要你做」校園巡演第三站，重頭戲是洪嘉豪領軍「百人挑戰」之「百腳 傳球」—— 洪嘉豪與99位學生在草地球場上，合共100人挑戰來回傳接足球，並由洪嘉豪負責射門。在挑戰過程中，99位學生分成左右兩列，洪嘉豪從中間展開傳球，眾人默契十足，全神貫注地配合傳球。當洪嘉豪射入終極一球，全場爆發出熱烈掌聲與歡呼聲，盡顯團隊合作與堅持不懈的精神。洪嘉豪笑指終於明白今年叱咤主題「難先要你做」的真正意思:「最『難』係要記住傳波傳到邊個同學仔，有啲同學仲要整蠱我，做假動作扮傳波，扮交又唔交!」
洪嘉豪現場獻唱《下世愛你》時，學生們高舉特別為嘉豪準備的應援大字報，場面熱烈。
洪嘉豪、Woody與林大輝中學全場師生大合照，並一同大叫今年叱咤口號「難先要你做」。
在「難題咨詢室」環節，同學們向洪嘉豪親自發問難題，其中一題問及洪嘉豪如何渡過「空白期」， 洪嘉豪坦言:「緊係練吓歌、寫吓歌，增值吓自己，我係樂壇上將勤補拙嘅歌手。其餘時間我主要會畀自己放鬆，例如去打機、踢波等，唔做同事業有關嘅事。」隨後，洪嘉豪亦向在場逾200位學生獻唱歌曲《下世愛你》，學生們高舉應援大字報，場面熱烈。洪嘉豪深深感受到同學們的 熱情:「呢度嘅同學仔係我去咁多學校活動入面最熱情。因為我喺學校門口落車，都未行到入去學校，已經聽到好瘋狂嘅尖叫聲。」
嘉豪與Woody在林大輝中學草地場準備「百人挑戰」之「百腳傳球」。
洪嘉豪領軍「百人挑戰」之「百腳傳球」前進行熱身。
洪嘉豪亦分享其歌手路上所遇到的挑戰，勉勵同學如何調整心態面對難關:「我係超級理性嘅天蠍座，所以面對覺得『難』嘅事，我會追溯原因。你要問自己考試壓力係來自咩?可能係升學、 屋企人嘅期望、同學之間嘅比較、對前路迷惘等，當你搵到答案嘅時候就可以減輕壓力喇!」他 亦以自身經驗為例續說:「其實我面對大型表演仍然會好緊張。例如年頭叱咤頒獎禮係冇綵排，而且全香港人喺電視機前面睇住。我嘅做法係喺腦海預演一次上台嘅情景，幻想觀眾反應，令自 己有心理準備，同樣做法都可以應用喺令你覺得緊張嘅場景。」
洪嘉豪領軍「百人挑戰」之「百腳傳球」—— 與99位同學在草地場上挑戰100人來回傳接足球，並由洪嘉豪射入終極一球。
有關商業電台主辦《PURDORI呈獻2025年度叱咤樂壇流行榜頒獎典禮》之詳情，敬請密切留 意叱咤903電台宣傳廣播、商業電台網站www.881903.com、my903.com、「my903.com 商業電 台」Facebook 及「cr881903」Instagram之最新消息。
洪嘉豪、Woody與林大輝中學99位同學成功挑戰「百腳傳球」，發揮叱咤主題「難先要你做」的精神！
