方文任頭髮護理品牌代言人 拍攝造型照挑戰十年前自己

有「亞洲發燒碟天后」之稱的方文（Astor Fong），日前為最新頭髮護理品牌「烏髮軒」代言人廣告拍攝造型照，其中的造型更参照了十年前的造型照，效果更出人意表地沒有絲毫歲月痕跡，現在的方文與十年前根本沒有差別，實在令人驚嘆！

方文前為最新頭髮護理品牌「烏髮軒」代言人廣告拍攝造型照。

十年前的造型照。

10年前與現在。

2017年的造型照

2017年與現在。

被問到保養心得，方文雀躍地解釋：「除咗皮膚外，其實頭髮保養都好緊要！擁有一把天然烏黑而濃密嘅頭髮的確可以令人看起來更年青。隨著年紀增長，我係街上面都見到好多人進入中年嘅時候都會開始有白髮同埋頭髮稀疏嘅問題出現，搞到自己四、五十歲就好似變到六、七十歲嘅樣。如果一早開始保養自己嘅頭髮，就唔會怕自己咁快走樣。尤其是我哋做藝人，形象係好緊要。就算歌唱得更好聽，冇一個悅目嘅形象示人，係呢一個咁激烈競爭嘅市場上面好難繼續落去！我而家啲頭髮睇落順滑又天然，成個人自信心返曬嚟 ！」

方文

在現今的娛樂圈冰河時期，方文亦正在積極舉辦自己的音樂會：「其實由疫情開始，我已經有舉辦網上音樂會「與文共唱」。到而家疫情過後，我覺得要有實體嘅音樂會去聚集番自己嘅粉絲，增加見面機會。所以，我同一個場地合作，再邀請自己身邊一班唱得嘅朋友同藝人一齊Jam歌，當中包括一啲<中年好聲音>嘅歌手，希望可以將一啲喺疫情期間習慣咗留喺屋企娛樂嘅朋友再吸引返出嚟，刺激下香港消費！」

方文

有「亞洲發燒唱片天后」之稱，前「天織堂」樂隊成員方文 (Astor) 日前聯同一眾《中年好聲音》成員及同期出道好友，分別兩晚出席上環私人會所開幕派對暨音樂會活動，當中包：吳大強、賈名媛、鄧顥懷、許兆銘、鄧家豪、羅金榮、彭澤英、杜德智、洪杰、黎美言、關浩揚、Alex@Black Box、陳凌晞等等。方文當晚作半個東道主，更與好友鄧顥懷閉目深情合唱，場面既溫馨又熱鬧！

方文 (Astor) 日前聯同一眾《中年好聲音》成員及同期出道好友，分別兩晚出席音樂活動。

方文有「亞洲發燒唱片天后」之稱。

吳大強也技癢要上台獻唱！

疫情期間方文曾舉辦多次網上音樂會《與文共唱》，派對當晚被問到可會有意思繼續舉辦？原來Astor獲多方好友力撐下，已啟動第三季音樂會：「之前兩季都是網上直播，所以今季要來個實體的，希望能加強與粉絲的互動！因為呢個主題音樂節目有一個特色就係每集嘉賓都會說一個演唱或錄音的小秘密，加上是罕有地在Facebook與Youtube同時全球直播，所以點擊觀看紀錄比起同期節目較突出！而今晚其實係第三季嘅頭炮，之後會陸續邀請身邊好友一齊Jam！我們個個都係靚聲王，再加上又有一班《中年好聲音》嘅好朋友同識於微時嘅歌唱比賽冠軍同期死黨支持，我相信每一次嘅合作必定令觀眾回味！」

方文獲一眾中一班出席撐場。

中年好聲音羅金榮（左）、方文（中）、Black Box Alex（右）

與中年好聲音鄧顥懷深情合唱。

而作為「中一班」（《中年好聲音》第一期）的一分子，鄧顥懷(Roy)亦感謝方文邀請擔當第3季首場的演出嘉賓：「今次嘅演出好有化學作用，因為可以同Astor合作唱出好多不同類型的歌曲，而且好多係已故歌手嘅經典作品，同埋我好驚喜我哋兩個嘅聲音能夠咁夾！呢度啲音響好專業，現場觀眾又好熱情，成件事係一個好好嘅音樂交流，令我唱得好Enjoy！」

洪杰

杜德智

久未露面的Hotcha成員黎美言