港男移英後稱對「成功」重新定義 數3優點勝香港：不再覺浪費人生

有港男於連登討論區發文，講述自己移民英國後對「成功」的看法有很大轉變，並列出3點包括事業、做事態度及人生目標與香港生活對比，直言「唔再覺得自己『浪費緊人生』」，帖文引來網民熱烈爭議，意見兩極。

有港男於連登討論區發文，講述自己移民英國後對「成功」的看法有很大轉變。AP資料圖片

樓主：而家成功係「唔再俾啲咩綁住」

樓主表示，未移民英國前覺得「成功係：升職加薪；做嘢要快、準、頂得順壓力；有張名片寫住『Manager』。」但自移民後他有了重新的看法「覺得成功係：唔靠鬧鐘都起身；有時間整個早餐慢慢食；唔再覺得自己『浪費緊人生』」，並總結出現在與以前對成功睇法的大不同「以前成功係要『攞到啲咩』；而家成功係『唔再俾啲咩綁住』」。他更感嘆到所謂的「自由」不一定是離職去旅行，而是「一個唔再對『冇生產力』感到焦慮嘅早晨」。

樓主表示自移英後對成功有了新的看法。AI生成圖

網撐：恭喜你搵到自己鍾意嘅生活

帖文一出即引來網民熱烈討論，有網民表示認同「最緊要自我感覺良好」，「每個人，甚至人生每個階段追求嘅嘢都唔同，恭喜你搵到自己鍾意嘅生活」、「中國人文化：升職=成功，西人文化：創造財富=成功」、「的確好多移民英國嘅人都改變咗對成功嘅定義」。

他表示現在成功是不用靠鬧鐘起身；有時間整個早餐慢慢食；不再覺得自己『浪費緊人生』。AI生成圖片

網嘲：好多人只能被迫躺平

亦有網民嘲笑「做二等公民叫成功」、「換過角度去睇，其實係好多人根本無能力喺英國發圍，只能做司機等嘅基層工作。講白啲，好多人只能被迫躺平」、「你呢啲至多叫唔夠人鬥，退一步唔同人爭」、「自我感覺良好=成功？」。但有網民反駁，「做人最後係向自己交代，自我感覺良好咪夠」、「如果生活到，又何需計較係咪發圍」。

他表示現在成功是不用靠鬧鐘起身；有時間整個早餐慢慢食；不再覺得自己『浪費緊人生』。AI生成圖片

是否「成功」好視乎個人抱咩心態

另有網民則認為「成功」好視乎個人抱甚麼心態，「其實你講嗰啲嘢全部都唔關地方事，睇你用咩心態去諗」、「（外國）係生活方式好不一樣，好多元化，唔似香港咁畢業返工跟住一定要買樓，我喺澳洲識個印度仔喺大學教書幾年，佢夜晚會去超市做part-time，之後佢開咗幾間舖頭，但佢冇買樓，一路以嚟都係租，佢老婆都覺得買樓唔係一個好選擇，喺香港佢必定俾人話佢一事無成玩躺平」、「唔再覺得自己『浪費緊人生』呢個好難，特別係喺一個不斷比較社會當中，你行慢啲或者做錯咗啲決定，就會覺得浪費緊人生，但係諗深一層，其實都唔知自己追求緊啲咩，舒舒服服享受每一日未算囉」。

他表示現在成功是不用靠鬧鐘起身；有時間整個早餐慢慢食；不再覺得自己『浪費緊人生』。AI生成圖片

聖誕節就到，不少人都忙緊準備交換禮物。有網民就在社交平台分享了一份極具衝擊性的聖誕禮物，震撼到他即刻想「報警」！

樓主在Threads出帖呻爆。Threads截圖

收禮嚇到想報警

事緣有網民在社交平台發帖，呻爆同朋友交換聖誕禮物的「慘況」。只見該網民上載了相片並留言：「同frd交換聖誕禮物，收到呢個想報警。」相中見到，份禮物竟是一個印有熱爆全城的「何伯」同「新何太」深情咀嘴大特寫的咕𠱸！兩公婆閉目陶醉的樣子佔滿整個咕𠱸，畫面極之「奪目」。

有網民就分享了一份極具衝擊性的聖誕禮物，震撼到他即刻想「報警」。Threads截圖

網笑：係咪都可以叫做算有心思呢？

這個「世紀之吻咕𠱸」一出，網民即刻笑到飆眼水，留言話「全threads最Kam（戇居）嘅聖誕禮物頭十名非你莫屬」。不過，都有人佩服送禮者諗頭，笑稱：「諗到整呢個咕𠱸嘅人，係咪都可以叫做算有心思呢？」有網民就關心樓主同朋友「絕咗交未」，樓主就大方回應：「未，笑到傻咗。」

何伯何太一直是網民熱話

約77歲的何伯同年輕逾30年的「新何太」，早前因為在TVB節目《東張西望》訴苦，指450萬積蓄被子女「攞走」而成為全城焦點。兩人高調曬恩愛，加上何太頻頻爆出「你七街瞋，帽再根治我」等「金句」，一直是網民熱話。

何伯和何太因接受《東張西望》訪問而成為網絡紅人。資料圖片

一山還有一山高

正當眾人以為「接吻抱枕」已是極致時，留言區竟有另一位網友分享去年在公司抽獎獲得的「升級版」禮物，並上傳了照片與影片。這款「暗黑機關版」抱枕有兩種設計。其一與前述的接吻版類似，但「升級」為使用珠片材質。另一款則更為「瘋狂」，抱枕表面鋪滿銀色珠片，乍看之下閃閃發亮，充滿節日氣氛。

一山還有一山高。Threads截圖

一山還有一山高。Threads截圖

一山還有一山高。Threads截圖

然而，其暗藏巧思：只要用手輕輕拂過珠片表面，何太的大頭照及其經典金句「你七街瞋，帽再根治我」便會逐漸浮現，設計極具巧思。此「精巧」設計令網友大開眼界，形容其為「繼阿儀抱枕後的又一力作」，更有人笑言此抱枕「有助減肥…每次吃飯前看一看」。

聖誕交換禮物靈感來了

這兩份以「何伯何太」為主題的「驚喜」禮物，似乎為今年的聖誕交換禮物活動，立下了一個難以超越的「新標竿」。許多網民看後表示獲得啟發，留言稱：「D人問可以送咩X嘢我終於識答」、「今日有idea了，多謝你」。