《女神配對計劃》剖白戀愛經歷觸動觀眾 葉蒨文：下次有男朋友一定要佢同我去一次日本旅行

TVB熱播節目《女神配對計劃》大受歡迎，女神之一的葉蒨文（Sophie）於節目中分享個人經歷和感受，當中的「東京之旅一早比一世遙遠」令觀眾留下深刻印象。葉蒨文於IG撰寫長文透露更多細節，又表示下次拍拖一定要與男朋友去一次日本旅行。

葉蒨文

TVB熱播節目《女神配對計劃》大受歡迎

TVB熱播節目《女神配對計劃》大受歡迎

葉蒨文分享戀愛經歷

葉蒨文分享戀愛經歷

葉蒨文於IG寫道：「星期日嗰集女神配對計劃我最深刻嘅 我以為會係同男嘉賓嘅互動 但係竟然係日本之旅嘅故事 我完全冇諗過節目組會剪落去 我以為嗰一段冇乜同人互動嘅效果 對於其他人嚟可能比較悶嘅內容未必會剪接出來 估唔到 哈 講嘅時候我都算淡淡然 睇嘅時候我都冇乜感覺 但係當我見到大家嘅DM同埋評論區嘅留言 我忍唔住眼泛淚光 特別係嗰句: #東京之旅一早比一世遙遠  嗰一下自己好似係全世界面前講咗一樣一路放咗喺心入邊嘅嘢 然後有一種被明白、一種釋放咗嘅感覺 特別係見到有人DM我同我講諗起自己嘅經歷 好明白呢種等待咗另一半好耐嘅感覺 我覺得除咗有人明白 甚至有啲感謝呢啲遠方網友嘅安慰 我記得當時我嘅另一半係一位好好先生 大家都會覺得佢好錫我、對我好好 而且佢都係一個冇乜脾氣嘅人 所以一路都會覺得呢段關係一定係佢遷就我比較多 嗰陣時分手 好多人知啲唔知啲在心裏面會judge我: 咁好，你都分手 好似我有毛病咁 好多出面嘅朋友唔係太熟嗰啲 知道我分手嘅呢個消息 都send message嚟一人一句、雪上加霜 大家都係識少少扮代表 安慰我嘅人真係得身邊了解我嘅三五知己同埋老師 我都冇解釋太多 講多無謂 我忠於自己嘅決定 我亦都知道自己點解要咁樣做」

葉蒨文人氣急升

葉蒨文是不少觀眾心目中的女神

葉蒨文是不少觀眾心目中的女神

她續道：「我記得當時剛分手的我坐咗喺一間西班牙餐廳入邊 面對住我嘅父母 佢哋看似輕鬆撩我傾偈 然後慢慢由淺入深、步步追問 屋企人問我點解要做呢個決定嘅時候 我睇到佢哋眼神嘅不解同批判 我覺得好難將啲六年半嘅感情逐一訴說 究竟用咩角度講？ 就算用咩角度都對呢件事唔公平 既然分開咗我都唔想影響佢哋對我個EX嘅觀感 我亦都覺得有時分開唔係邊一個嘅錯 我淨係知道嗰六年 我見到身邊嘅朋友會同另一半去旅行我都會好羨慕 我都會睇佢哋嘅分享去感受嗰種喜悅 面對一次又一次，日復日、年復年嘅期望落空 一直好努力、堅強咁去支撐住另外一個人 我知道個一種感受只會我自己最明白 於是當時我收起呢一種無人會明白我感受嘅心情 深呼吸一口氣 我最記得我講咗一句: 總之 我等咗六年嘅日本之旅 我知道自己再等唔到落去啦 講完我努力將我眼框裝滿嘅淚水連埋啲食物一齊吞返落去 安安靜靜咁食埋呢餐飯 佢哋亦因為見到我呢個狀態佢哋都冇再問落去 有人問點解唔自己一個去？同朋友去？ 咁當然可以咁做啦 但係個重點並唔係去旅行 呢個日本之旅嘅等待係一種象徵 係一種我對於浪漫嘅期許同埋我嘅承諾！ 總之 下次如果我有男朋友我一定要佢同我去一次日本旅行！ 我想俾佢睇我着和服！ 我想同佢去環球影城！ 我想影好多靚相留低好多回憶！ 就係咁！ 🤗  📸 @travelc.negative」

葉蒨文（Sophie）與男友曾展望（GM）昨日（12月13日）以情侶檔亮相婚紗展，台上合唱兼甜蜜互動，大曬恩愛。二人受訪時表示不抗拒多接情侶檔工作，更笑言渴望合作拍攝樓盤廣告。

葉蒨文（Sophie）與曾展望（GM）以情侶檔亮相婚紗展。

Sophie與GM計劃再去旅行。

手拖手合唱。

對於台慶頒獎禮，Sophie與GM分別入圍「飛躍進步男、女藝人」及多個獎項。GM坦言以平常心面對，但必會投票支持女友，二人更計劃拍片拉票。Sophie則稱入行十年一直默默耕耘，對獎項隨緣，但感激有機會參與真人騷及港姐主持等工作。GM亦笑言盼向實力派歌手發展，未來繼續以情侶檔姿態吸金。

兩人笑言將來想情侶檔拍樓盤廣告。

奉旨大晒恩愛。

Sophie與GM分別入圍「飛躍進步男、女藝人」及多個獎項。