女神配對計劃｜羅毓儀出盡法寶力保心儀對象林俊其 Yuki多番拒絕T.Max惹爭議

由林盛斌（Bob）擔任金牌媒人兼主持的無綫熱播戀愛綜藝真人騷《Funki Finance呈獻：女神配對計劃》，本周日（7月27日）晚九點半播出第八集。第八集的《女神配對計劃》繼續是Dating Camp，除了有內容極之豐富的「心意配對遊戲」，今集還會出現兩名淘汰者。其實除了「國民情侶」GM（曾展望）及Sophie（葉蒨文）甜度超標，羅毓儀（Yuki）與林俊其（Kris）的甜蜜互動亦相當冧豬豬，只是二人的緣份比較一波多折。

Yuki多番拒絕T.MAX係有苦衷架。

Yuki呢個「恨鐵不成鋼」嘅眼神連環圖，最後仲要用背「得」住Kris表示冇眼睇，真係笑咗。

Yuki呢個「恨鐵不成鋼」嘅眼神連環圖，最後仲要用背「得」住Kris表示冇眼睇，真係笑咗。

Yuki坦言為Kris感到肉緊。

Kris自己都苦惱到爆炸，雲文子師傅直情笑佢connect緊去宇宙希望搵到同Yuki一樣答案嘅竅門。

Yuki親揭拒絕與T.MAX甜蜜互動真相
事緣Kris在「心意配對遊戲」初段多番與Yuki擦身而過，相反同組的T.MAX（海淦清）卻一再與Yuki選中同一個答案，由於T.MAX與Kris在「心意配對遊戲」前各自擁有一Key，假設Yuki揀選T.MAX玩甜蜜互動遊戲，Kris便隨時有可能輸掉遊戲兼有機會被淘汰，所以Yuki每次與T.MAX同答案，都會忍痛揀選其他隊的勇士玩甜蜜互動，雲文子師傅見狀即指Yuki是戀愛腦：「塊臉好圓、隻眼好圓嘅人係愛恨分明，呢啲人唔鍾意你就係唔鍾意你。」Yuki閨密王菲亦有挺身為Yuki講出心底話：「費事畀咗希望你，你又覺得自己有機會，最後斷嗰吓仲難咯。」而當時人Yuki及T.MAX，亦有就相關事件作剖白，想知Yuki真實諗法，就要密切留意節目。

終於！萬眾期待嘅一刻嚟到喇。

留意Yuki個樣。

玩sit up玩到咁甜，真係！

多番被拒絕嘅T.MAX，到底會點諗呢？

Yuki將親揭拒絕與T.MAX甜蜜互動背後嘅原因，其實佢自己都好煩惱。

眼見Kris答案揀極都唔中，芳心明許的Yuki擔心外露，在聽候林盛斌給予指示期間，忍不住向Kris投以既淘氣又嬲豬的眼神，之後更索性以背脊「得住」Kris，相當搞笑。Yuki事後接受製作組訪問，亦不開名表示好擔心Kris：「因為玩問答環節時候哩，我就好少見到某人嘅，咁跟住我就開始擔心喇，死啦！如果真係五條問題都撞唔中，咁你咪真係得一條鎖匙？！」最終二人幾經波折終可「重聚」，而Kris揭開帳篷見到Yuki一刻，更是開心到成個彈起：「好似歐聯入波咁呀，嘩 ！」而現場包括閨密花生團所有人，亦發出超震撼歡呼。而抽中與Kris玩Sit up甜蜜互動的Yuki，全程冧豬樣盡出，氣氛煞是甜蜜。

雲文子話Yuki係愛恨分明嘅人。

王菲亦睇得出閨密Yuki只係唔想畀假希望T.MAX。

Step呢集唔止一次獨守空房，搞到佢突然感觸爆喊。

由「金牌媒人」林盛斌（Bob）主持的《女神配對計劃》大受歡迎，三對成功配對CP：曾展望（GM）＋葉蒨文（Sophie）、羅毓儀（Yuki）＋林俊其（Kris）、梁敏巧（Maggie）＋劉啟進（Matt），連同配對「飲恨」失敗的關嘉敏（Carman）+黃家俊（Matthew）、李芷晴（Stephanie）+林焌堯（Jacob）引爆不少城中熱話，節目於上周日舉行的《萬千星輝頒獎典禮》更榮獲「大灣區最喜愛TVB綜藝及資訊節目」，成績斐然！

「天旋地轉說愛你」五位男士的「驚青樣」。

Jacob在Stephanie鼓勵下選擇迎戰。

Stephanie感動即送Jacob一個「咩都得」的願望。

Matt「公主抱」Maggie面不改容。

Matthew「公主抱」Carman。

Jacob「公主抱」Stephanie最後少少腳軟，全場爆笑！

GM好Strong。

GM、Sophie甜蜜對望。

Kris好似有少少吃力！

而由《女神配對》原班CP/準CP參與拍攝的《女神玩轉嘉年華》，本周六晚八點翡翠台播出第二集，五組CP/準CP繼續於中環海濱香港冬日嘉年華中大玩各式各樣啜核競技，分別為「心有靈犀考默契」、「一心一意傳豆腐」、「天旋地轉說愛你」。三大遊戲之中，以「天旋地轉」最為「殘忍」，考驗一眾男參賽者的膽量、體力及忍痛能力之餘，還同時考驗眾人記性！由於五男要挑戰的機動遊戲「Vertical Limit」離心力甚大，五名男選手一律嘈到拆天，兼且驚現大量「毁容級走樣潛力圖」，現場頓變「奪命狂呼」現場。

五男之中，嗌得最慘烈的非GM莫屬；由於GM叫聲實在太慘烈，Sophie見狀即心痛地狂問：「喂！又加速嘅？佢第二Round喇！」相當錫住男友仔。原來GM反應之所以特別大，全因有「幕後黑手」看不過眼GM一個行為，而吩咐現場工作人員為GM加料，GM及後更要為相關行為道歉。到底GM做了甚麼招來如此「橫禍」？密切留意節目。而向來備受關注的GS CP，今集還會上演「甜蜜快穩準」傳豆腐絕技，萬勿錯過。

玩考機動遊戲時，百厭的GM不時取笑其他男士。

0Bob Max密謀大計。

Sophie與GM二人玩傳豆腐遊戲時超默契表現！

雖然途中有「小鬧交」。

身高差關係。

Bob當場示範，玩得好好添！

Jacob全程小心翼翼、好Gentleman。

最後Jacob許咗咩願，更令全場起哄！

Matt玩傳豆腐好似好緊張。

Carmen傳豆腐面都紅晒。

李芷晴被Jacob感動主動送對方願望：咩都得！
另一對值得關注CP，是準CP Stephanie與Jacob。向來是《女神》「怕醜擔當」的Jacob，為了女神Step，竟願意面對恐懼挑戰「Vertical Limit」，期間由於真的太驚，更史無前例地在螢光幕面前「失控大嗌」，被GM取笑：「我聽過Jacob講嘢最大聲一次。」Step聞言即痛心護航：「你哋唔好笑佢啦！x2」玩完機動遊戲揈到面青青的Jacob，抱起Step走石春路時腳步浮浮，完成任務一刻更因雙手乏力令Step險變「滾地葫蘆」。眼見Jacob為了自己一再「我超越我」，Step最後甜蜜賜予Jacob一個願望，更許下豪言：「咩都得！」而Jacob亦甚有禮數地選擇「甜蜜抱抱」而沒有飛擒大咬，相當有風度。

除了遊戲環節，今集繼續有「心動時刻」小劇場，由Yuki＋Kris、Maggie＋Matt分別上演「鍾意啊？」及「乜咁啱嘅」；Kris在小劇場中，為了氹Yuki開心，更會化身「Balloon Dragon」向女友送抱，氣氛勁爆甜蜜；而二人於玩遊戲期間，雖然表現略為遜色，但卻遭「女神」團隊起哄大叫「結婚」，想知二人做了甚麼引來全場起哄，密切留意今晚播出的《女神玩轉嘉年華》。