33歲陳凱琳（Grace）近年轉戰KOL界搵真銀，更成功登上最新「十大KOL排行榜」榜首，吸金力驚人。繼早前推出的$228「媽咪麵朱古力」被狠批為「智商稅」、「中伏之選」後，近日再有自家品牌新品推出，竟又再次捲入「負評風波」。
Grace自家品牌近日有新品推出
Grace自家朱古力品牌早前與本地老字號餅店聯乘，推出4款口味嘅朱古力大福，聲稱係「全港最好食嘅朱古力大福」。佢更親自落場拍片宣傳，剪開大福大賣「拉絲」軟糯感，不過就有網民食完即爆炸，喺Threads發文開火，狠批：「只要係陳凱琳Crossover嘅嘢，全部都係垃圾！」更直斥大福「硬過命」、「無爆漿、無拉絲」，仲貼片證實，用木棍戳落去都唔入！
點擊看圖輯
更多相片
Grace自家品牌近日有新品推出
新品朱古力大福
Grace亦有直播試食
聲稱係「最好食的大福」
但網民則指貨不對辦
大福「硬過命」
大福「硬過命」
新品朱古力大福
Grace亦有直播試食
聲稱係「最好食的大福」
怒火未止，該名網民又話$40一粒嘅大福比自家製仲差，更質疑：「邊個俾佢入飲食界？」照片所見，大福雖然內餡飽滿，但外皮硬淨無彈性，爆漿效果名存實亡，形象大插水！
但網民則指貨不對辦
大福「硬過命」
大福「硬過命」
帖文一出引發熱議，有網民認同產品名過於實，表示：「依家啲KOL食評十個有九個都係廣告，唔中伏都難！」不過亦有網民幫口，懷疑批評者未解凍或未按指示加熱，令大福口感失準。
Grace暫未回應新一輪風波。
