女神配對計劃｜GM做和事佬超naughty但又勁高招 羅毓儀與T.Max終極真情對話後結局係…

由林盛斌（Bob）擔任金牌媒人兼主持的無綫熱播戀愛綜藝真人騷《Funki Finance呈獻：女神配對計劃》，本周日（8月10日）晚九點半翡翠台播出第十集。

五對CP起床一刻

溫馨型

今日官方再發布最新一集《女神配對計劃》內容，並曝光了五位女神葉蒨文（Sophie）、李芷晴（Stephanie）、羅毓儀（Yuji）、關嘉敏（Carman）及梁敏巧（Maggie）與五位幸運求愛勇者的「瞓醒覺」畫面！根據官方發布照片，三Pair同床CP：曾展望（GM）葉蒨文（簡稱GS）、Yuki林俊其（Kris）（簡稱YK）、Carman黃家俊（Matthew）（簡稱厘米CP）起床狀況各有不同，當中以GS CP最少距離感，GM臨起床前，整隻手不自覺地擱在Sophie身上，畫面超粉紅！至於YK及厘米CP，起床一刻分別展現了「活潑」及「搞笑」特質，與女神人設吻合！

可愛活潑型

搞笑耐人尋味型。

天各一方型

今集另一重點場口，落在Yuki與T.Max的大和解。事緣在「心意配對」遊戲環節，T.Max雖然不止一次揀中了Yuki的帳篷、與Yuki「心靈相通」，但可惜Yuki每一次都未有將「心意鎖匙」交到男方手上，令網民及花生團亦為之肉緊。之前已揚言希望在節目中與T.Max面對面解開心結的Yuki，今集在GM的「搞笑撮合」下完成使命！

見到佢哋玩得咁開心，有冇忍唔住都開心埋一份？

GM好Sweet咁主動幫Yuki同T.Max解開心結。

不過佢全程忍笑嗰吓真係好naughty。

忍笑忍到一個點，仲要飲水冷靜吓添。

（Sophie Tone）GM，你好鬼馬呀！係咪呀GM？

事緣機緣巧合，三位仁兄遭「閨密花生團」編排在同一組，而且三人更在新一輪任務中抽中「休息」，即當其他組別忙著採購、劈柴、煮食等的時候，三人可以盡情「無聊」，結果三人化身大細路喪玩製作組安排好的道具，當中單是「吹泡泡」，已令三人笑到勁開心。追逐完一大輪後，戲肉降臨，GM拿出道具中的答案之書，主動提議幫Yuki及T.max解開心結，結果兩位主角得到的答案是：「用新的方法溝通看看」，Yuki看到大表贊同：「如果可以換過第二個方式相處，話唔定大家都會舒服啲？」

由於Yuki點解喺「心意配對」環節一再拒絕T.Max呢條問題實在太重要、個答案又可能太衝擊，GM主動爭取話幫兩位主角睇答案。

GM呢個「謎之表情」，真係令人好想知個答案係乜咯！咁大家又估唔估到呢？

其實Yuki全程都有用心聆聽T.Max嘅心底話。

Yuki直認曾為T.Max爆喊
之後T.Max拋直球問Yuki為何在「心意配對」中不選擇他時，答案之書開出的答案不但令兩位當事人心服口服，GM更一度被震撼至噴水！之後GM一直《奇情谷》主持上身，以「你問我答」形式幫助兩位「I人」主角說出心底話，兩位主角真情對話後，T.Max直認內疚，而Yuki亦拋出了真心又感性的一句：「我唔係討厭你呀，我尋晚點解會爆喊呢？其實係我覺得對你唔住…」GM聞言即完美打圓場：「你哋其實都幾錫大家嘅。」

GM呢吓爭啲噴水，到底所為何事？

GM為兩位當事人拍下重要一刻。

佢仲好完美咁幫兩位當事人Round up。

「超級和事佬」GM神Round up：你哋其實都幾錫大家嘅
事後兩位當事人對GM大表感激，T.Max：「真係好感謝GM，佢幫我哋Hold住咗成件事，令到我將啲好想講嘅事講咗出嚟」、Yuki：「好幫助到我哋去解開心結嘅。」想目擊GM這個超級和事佬如何帶領Yuki及T.Max進行這場終極大和解，以及這個和事佬辦事期間如何表情多多、極盡佻皮，密切留意本周日晚播出的《女神配對計劃》。

由「金牌媒人」林盛斌（Bob）主持的《女神配對計劃》大受歡迎，三對成功配對CP：曾展望（GM）＋葉蒨文（Sophie）、羅毓儀（Yuki）＋林俊其（Kris）、梁敏巧（Maggie）＋劉啟進（Matt），連同配對「飲恨」失敗的關嘉敏（Carman）+黃家俊（Matthew）、李芷晴（Stephanie）+林焌堯（Jacob）引爆不少城中熱話，節目於上周日舉行的《萬千星輝頒獎典禮》更榮獲「大灣區最喜愛TVB綜藝及資訊節目」，成績斐然！

「天旋地轉說愛你」五位男士的「驚青樣」。

Jacob在Stephanie鼓勵下選擇迎戰。

Stephanie感動即送Jacob一個「咩都得」的願望。

Matt「公主抱」Maggie面不改容。

Matthew「公主抱」Carman。

Jacob「公主抱」Stephanie最後少少腳軟，全場爆笑！

GM好Strong。

GM、Sophie甜蜜對望。

Kris好似有少少吃力！

而由《女神配對》原班CP/準CP參與拍攝的《女神玩轉嘉年華》，本周六晚八點翡翠台播出第二集，五組CP/準CP繼續於中環海濱香港冬日嘉年華中大玩各式各樣啜核競技，分別為「心有靈犀考默契」、「一心一意傳豆腐」、「天旋地轉說愛你」。三大遊戲之中，以「天旋地轉」最為「殘忍」，考驗一眾男參賽者的膽量、體力及忍痛能力之餘，還同時考驗眾人記性！由於五男要挑戰的機動遊戲「Vertical Limit」離心力甚大，五名男選手一律嘈到拆天，兼且驚現大量「毁容級走樣潛力圖」，現場頓變「奪命狂呼」現場。

五男之中，嗌得最慘烈的非GM莫屬；由於GM叫聲實在太慘烈，Sophie見狀即心痛地狂問：「喂！又加速嘅？佢第二Round喇！」相當錫住男友仔。原來GM反應之所以特別大，全因有「幕後黑手」看不過眼GM一個行為，而吩咐現場工作人員為GM加料，GM及後更要為相關行為道歉。到底GM做了甚麼招來如此「橫禍」？密切留意節目。而向來備受關注的GS CP，今集還會上演「甜蜜快穩準」傳豆腐絕技，萬勿錯過。

玩考機動遊戲時，百厭的GM不時取笑其他男士。

0Bob Max密謀大計。

Sophie與GM二人玩傳豆腐遊戲時超默契表現！

雖然途中有「小鬧交」。

身高差關係。

Bob當場示範，玩得好好添！

Jacob全程小心翼翼、好Gentleman。

最後Jacob許咗咩願，更令全場起哄！

Matt玩傳豆腐好似好緊張。

Carmen傳豆腐面都紅晒。

李芷晴被Jacob感動主動送對方願望：咩都得！
另一對值得關注CP，是準CP Stephanie與Jacob。向來是《女神》「怕醜擔當」的Jacob，為了女神Step，竟願意面對恐懼挑戰「Vertical Limit」，期間由於真的太驚，更史無前例地在螢光幕面前「失控大嗌」，被GM取笑：「我聽過Jacob講嘢最大聲一次。」Step聞言即痛心護航：「你哋唔好笑佢啦！x2」玩完機動遊戲揈到面青青的Jacob，抱起Step走石春路時腳步浮浮，完成任務一刻更因雙手乏力令Step險變「滾地葫蘆」。眼見Jacob為了自己一再「我超越我」，Step最後甜蜜賜予Jacob一個願望，更許下豪言：「咩都得！」而Jacob亦甚有禮數地選擇「甜蜜抱抱」而沒有飛擒大咬，相當有風度。

除了遊戲環節，今集繼續有「心動時刻」小劇場，由Yuki＋Kris、Maggie＋Matt分別上演「鍾意啊？」及「乜咁啱嘅」；Kris在小劇場中，為了氹Yuki開心，更會化身「Balloon Dragon」向女友送抱，氣氛勁爆甜蜜；而二人於玩遊戲期間，雖然表現略為遜色，但卻遭「女神」團隊起哄大叫「結婚」，想知二人做了甚麼引來全場起哄，密切留意今晚播出的《女神玩轉嘉年華》。