港爸港媽出外用餐不慎外洩「呢樣嘢」 阿仔隔空竟估中二人點咩菜式

本港現時有不少食肆都提供二維碼（QR Code）落單服務，方便顧客點餐，但卻引發多單因二維碼外洩的「整蠱」事件。近日有網民分享指父母用餐時不慎將影有食肆二維碼的相片發到家庭群組，他一掃碼即查看到點餐紀錄，於是在群組中讀出已點菜式，父母以為他就在附近，即起身尋找，引發一場溫馨笑話。

有網民分享指父母用餐時不慎將影有食肆二維碼的相片發到家庭群組。AI生成圖片

父母一度企起身尋找樓主踪影

事主透過社交平台分享3張通訊軟件群組截圖，顯示父母用餐近半小時後，他在家庭群組陸續輸入「龍蝦汁海鮮炒烏冬」、「經典原味紅豆冰」、「豬軟骨濃湯拉麵」及「凍鴛鴦」等菜式飲品名。父母起初時以為阿仔就在附近，所以可以窺看到他們叫的菜式，父親更驚訝道「咁遠都可以見到佢杯嘢係鴛鴦而唔係奶茶」，兩人一度起身四處張望，「隔籬枱以為我哋兩個望緊啲咩」。最終母親首先發現原來關二維碼外洩事。事主更笑言「諗吓下次點樣整蠱佢哋先」。

網友一掃碼即查看到點餐紀錄，於是在家庭群組中讀出已點菜式。AI生成圖片

已提醒父母下次不要亂上傳二維碼

帖文發布超過4日，已經獲得逾3,500個讚好、超過470次轉發等，網民紛紛留言指父母「可愛」、家庭氛圍「溫馨」，亦有人提醒需警惕二維碼外洩風險，避免被有心人「瘋狂落單」。事主回應稱已提醒父母不要亂發布二維碼到互聯網，更說他們「下次會更醒目」。

FB群組截圖

黃傑龍打卡誤洩二維碼 遭他人落單逾2000元食物

事實上，類似事件時有發生。叙福樓集團主席兼行政總裁黃傑龍今年初出席啟德體育園開幕典禮前用餐，因拍照「打卡」時誤將枱面二維碼入鏡，相片發布1分鐘內即被他人落單超過2000元食物，包括價值1,434元的6人套餐。他事後笑稱「好在間舖頭係我嘅」，呼籲公眾勿犯同類錯誤。

FB群組截圖

壽司店打卡亦「中招」遭瘋狂落單逾9000元

另在2021年，有網民分享連鎖壽司店用餐照後，9分鐘內被瘋狂點選43份炙燒本鮪大拖羅、40份北海道巨大珍寶帆立貝，帳單超過9,000元，最終事主刪帖退群，事件當時引發廣泛討論。

FB群組截圖

一名港男於網上發文表示，其父親去世後，他向寬頻公司要求寬頻合約轉名。但客戶服務員堅持要「亡父」親自簽名，強調「你爸爸唔簽，轉唔到你名」。幾經辛苦成功轉名，沒想到又因更改支付方式，再被客服要求「亡父」親自簽名作實，令樓主嬲爆。

替亡父申請寬頻轉名遭拒

樓主於社交平台Facebook群組「小心駕駛(討論別人駕駛態度)」發文，講述辦理「亡父」寬頻合約轉名的離譜經歷，「OT ……發生喺我身上」。

樓主替亡父申請寬頻轉名遭拒。資料圖片

樓主表示，由於父親去世，他向寬頻公司要求把父親的寬頻合約轉到其名下。惟客服人員竟堅持要父親親自簽名，令他不解問「佢哋叫我老竇返簽名，我話死亡證都畀埋你，簽咩嘢名呀」。

客服要求「死者簽名」

客服回覆「你爸爸唔簽，轉唔到你名……」。樓主反駁「咁我喺咪要叫返佢起身，去你屋企，簽名畀你呀？一係你而家叫人拎份嘢過嚟九龍大酒店，我叫佢行落嚟同你簽好冇呀」，又明言「你處理唔到，就叫你上司處理，唔好嘥我時間」。

客服回覆「你爸爸唔簽，轉唔到你名……」資料圖片

轉換支付方式出現問題

樓主指，寬頻合約轉名後不久，發現轉換支付方式出現問題，「明明已經叫佢改埋支付方式，都仲喺要draw我老竇張咭（信用卡）」。

寬頻合約轉名後不久，發現轉換支付方式出現問題。資料圖片

被再次要求父親親自簽名作實

他於是再向客服反映，沒想到對方再次要求其父親親自簽名作實，令樓主嬲爆，「又發生同一樣嘢，又喺叫我老竇簽名作實……今次我已經唔想同佢再講，直接叫佢經理處理」。

樓主不解為何會錯2次

樓主續指「經理一聽到係我已經冇乜好講，我都直接講……係我吖，又係我吖，冇咩嘢我都唔想再聽到你把聲㗎啦。佢都好無奈」。樓主感嘆，「真心唔明，錯1次都算，連錯2次，到底要幾難先做到呢……」。

樓主不解為何會錯2次。資料圖片

網民都感傻眼：自己去搵先人簽啦

網民認為客服處事手法難以理解，「啲客服係咪搞事」、「叫佢哋自己去搵先人簽啦！唔係一條龍服務，咁樣唔得喎」、「一早叫客服燒份嘢落去簽咪得囉，轉名咁麻煩，喺冥通銀行做埋自動轉賬，一條龍搞掂」。