尖沙咀外賣車仔麵豬紅無貨老闆換魚蛋兼送蛋 一窩心舉動獲大讚有誠意

講到經典的港式車仔麵，相信不少人心中排名前三的必嗌餸定少不了豬紅。近日有食客在尖沙咀一間車仔麵店嗌外賣，所選的豬紅剛好售罄。而店舖又未能第一時間聯絡到客人，最後店長的暖心解決方法，獲無數網民大讚「好有誠意！」

車仔麵。IG圖片

車仔麵。IG圖片

車仔麵。IG圖片

車仔麵。IG圖片

網友在社交平台Threads上撰文指，「今日嗌外賣叫咗豬紅，但係冇貨。結果舖頭幫我轉咗做魚蛋，仲要送咗隻滷水溏心蛋俾我食，so sweet（好甜蜜）」。據網友分享的相中可見，外賣車仔麵碗附有手寫便條，內容寫道：「唔好意思，你嗌嘅豬紅賣晒，由於聯絡唔到你，因此同你換成魚蛋，並贈送鹵水蛋以表歉意」。

網上圖片

原來店家由於無法聯絡到事主，最終自行決定以魚蛋替代，並額外送上一隻滷水溏心蛋致歉，店方更以手寫便條詳細解釋事件，誠意滿滿。

網上圖片

帖文曝光掀起網民熱議，大家紛紛大讚店舖是「良心小店」：「仲用手寫好有誠意」、「佢寫得好認真so cute（太可愛）」、「咩叫有心，呢啲就真係叫有心」、「仲要抽時間攞支筆寫咁多字俾你⋯真係好負責嘅店員！」，對於網民的熱議，事主亦再次回應表示：「睇得出對方有誠意就會接受，都明白做飲食業唔容易」。

近日一名女網民在網絡平台發帖大吐苦水，指自己透過外賣平台點了一份售價78元的蔥油雞絲飯。結果實物與餐廳提供的參考圖落差極大，雞絲少得可憐，只有零碎幾條，配上少少蔥油，讓她覺得完全「中伏」，氣憤表示「下次我再嗌呢間我就係戇X！」

聯名主題店外賣 實付約82元

聯名主題店外賣，實付約82元。當事人帖文截圖圖片

該女生光顧位於旺角、由本地知名短片製作團隊與台式餐廳聯名開設的主題店，經外賣平台訂購一份蔥油雞絲飯。連運費、平台服務費及扣除折扣後，實際付款約82元。她上載照片並自嘲「Am I a joke？（我是笑話嗎？）」，表達極度失望。

宣傳圖滿滿雞絲 實物卻只有碎絲加榨菜

餐廳在宣傳圖中展示米飯上鋪滿厚厚雞絲，予人「啖啖肉」的豐盛感覺。然而實際送達的外賣，只見白飯上零星散落幾條碎雞絲，伴隨少量榨菜及稀薄蔥油，完全印證「圖片只供參考」的免責聲明，與預期相差十萬八千里。

示意圖滿滿雞絲，當事人帖文截圖圖片

網民齊轟：離譜到以為係瑤柱絲

帖文曝光後，網民紛紛留言痛批餐廳做法離譜，「佢嗰幾條雞絲好似可憐你咁」、「以為係瑤柱絲」、「我第一時間諗緊你係咪台灣人？係咪台幣？」、「呢兜嘢78（元），似大陸拼好飯7.8（元）多啲」、「sorry真係有啲似我阿媽以前整畀隻狗食嘅雞絲撈白飯，（啲）雞都多過佢」、「食咗個寂寞」。

網民紛紛留言痛批餐廳做法離譜，「佢嗰幾條雞絲好似可憐你咁」。當事人帖文截圖圖片

香港餐飲質素堪憂 網民：難怪人人北上

網民齊轟：離譜到以為係瑤柱絲。資料圖片

不少網民更將矛頭指向香港整體餐飲業，指此類「賣相欺詐」情況屢見不鮮，導致港人寧願北上消費，「就算份量同幅圖一樣，我都覺得貴」、「80蚊嗰啲鹽焗手撕雞都買到半隻啦」、「黐X線，咁都$78，唔怪得咁多人北上」、「香港真係好多呢種餐廳，白飯就好多，餸就得嗰少少，自己都無心經營，唔好再怪人北上」。