講到經典的港式車仔麵，相信不少人心中排名前三的必嗌餸定少不了豬紅。近日有食客在尖沙咀一間車仔麵店嗌外賣，所選的豬紅剛好售罄。而店舖又未能第一時間聯絡到客人，最後店長的暖心解決方法，獲無數網民大讚「好有誠意！」
車仔麵。IG圖片
車仔麵。IG圖片
車仔麵。IG圖片
車仔麵。IG圖片
網友在社交平台Threads上撰文指，「今日嗌外賣叫咗豬紅，但係冇貨。結果舖頭幫我轉咗做魚蛋，仲要送咗隻滷水溏心蛋俾我食，so sweet（好甜蜜）」。據網友分享的相中可見，外賣車仔麵碗附有手寫便條，內容寫道：「唔好意思，你嗌嘅豬紅賣晒，由於聯絡唔到你，因此同你換成魚蛋，並贈送鹵水蛋以表歉意」。
網上圖片
原來店家由於無法聯絡到事主，最終自行決定以魚蛋替代，並額外送上一隻滷水溏心蛋致歉，店方更以手寫便條詳細解釋事件，誠意滿滿。
網上圖片
帖文曝光掀起網民熱議，大家紛紛大讚店舖是「良心小店」：「仲用手寫好有誠意」、「佢寫得好認真so cute（太可愛）」、「咩叫有心，呢啲就真係叫有心」、「仲要抽時間攞支筆寫咁多字俾你⋯真係好負責嘅店員！」，對於網民的熱議，事主亦再次回應表示：「睇得出對方有誠意就會接受，都明白做飲食業唔容易」。
有時騙徒很會利用人的善心，就似日前有網友出警世帖，指日前在一間本港連鎖大型藥房，差點跌入「撿錢包反被誣陷偷錢」騙局，幸好當時有所警愓沒有受騙，但帖文卻引起網友的熱議！
示意圖。AI生成圖片
樓主驚覺險跌「掉錢包陷阱」
網友發帖指日前在一間本港連鎖大型藥房遇到一件很可疑的事件。他表示當時在藥房將個購物籃放在地上然後查看展示櫃的貨品，但他留意到期間一直有名男子在附近徘徊。怎料「準備走嗰陣現籃子旁邊多咗一個露出大量現金嘅錢包」幸好當時樓主有所警愓，指感覺好似常見的「掉錢包陷阱」。
地上有一個銀包，卻似是被人刻意地展露了一大鈔票，當中有幾張500及100元港幣。FB圖片
銀包刻意展露了一大疊鈔票
於是他找來店員處理，正當店員剛要撿起錢包時，突然那名男子衝出來，並出示身份證指錢包是他的，但樓主質疑對方「反應異常冷靜熟練」令他懷疑是新型騙術，是「撿錢包反被誣陷偷錢」的騙局。由樓主PO出的相片所見，地上有一個相當殘舊的銀包，卻似是被人刻意地展露了一大鈔票，當中有幾張500及100元港幣。
示意圖。AI生成圖片
網撐：建議見錢銀一律唔好掂
帖文一出大部份網民都認同這很可能是一場騙局，認為最適當的處理方法是不要觸碰，直接通知職員或報警：「點解咁大個銀包啲$500會淨係凸個銀碼出嚟咁得意嘅？」、「身份證又唔係放喺銀包入面咁得意」、「咁奇怪？用身份證衝出嚟話銀包係佢，唔係擺埋一齊咩？」、「真係跌落地下， 啲錢都唔會突出嚟㗎， 佢真係好假」、「啲錢點會咁樣跌出嚟呀？肯定係一個局，攞起咗你就後悔」、「建議大家見錢銀一律唔好掂，一係揾店員一係報警。您一掂，對方就有藉口老屈您。永遠保持眼看手勿動，更不要心動。」、「正常跌銀包啲錢會咁樣show 出嚟嘅咩？」、「好彩你講出黎….如果唔係真係會好心執起」。
網上圖片
跌錢黨原來已有三十年歷史
亦有網民指出早在三十年前已出現過類似的詐騙手法「呢啲跌錢黨都有三十年歷史，以前有啲喺海港城近中港碼頭出沒」、「呢一招30年前已經用緊，我個同事就係因為貪心執咗個銀包，畀人呃咗隻鑽撈」、「幾年前係旺角都遇過跌錢黨，佢係我前面行行下跌咗幾張一百蚊，我開聲叫住佢話你跌咗錢，佢又係異常冷靜咁執返，唔該都冇講一句，發現佢附近有另一個男人同佢打眼色！好彩我機警冇幫佢執錢！」、「多年前喺深圳福田遇到過有人刻意喺我面前跌咗一包金，跟住另一個人執起神神秘秘話同我一齊分左佢，我拒絕咗，叫佢自己一個人要晒佢。永遠警戒自己，貪字得個貧」。
網笑：一腳就踢銀包落櫃底
有網民搞笑地表示應該「一腳就踢落櫃底，等佢爬低慢慢執」、「一腳窩利抽射解決晒所有問題」、「我以前係街到遇過呢啲，當時條友同我打對行，佢咋咋底底跌銀包，我又咋咋底底一腳幫佢踢出去馬路」。
