陳家樂囡囡萌爆搶Fo收利是 楊受成笑到四萬咁口

英皇娛樂日前為七、八、九月生日的藝人及同事舉行生日會，生日之星包括歐陽震華、周家怡、黃明德（Dark ）Locksmiths - 大雄同 SULIS - Roy , 而出席賀壽星的藝人包括：鄧小巧、楊天宇（Angus）、海兒（Hedy）、洪助昇（Aiden）、女團VIVA、阮雅（Bonnie）劉若寶（Polly）、黎峻（Kenneth）、Christine、樂隊Locksmiths、SULIS及The Lemon Ones。

英皇娛樂為七、八、九月生日的藝人及同事舉行生日會。

生日之星歐陽震華、周家怡

陳家樂囡囡收楊受成大利是。

講到全場最搶Fo，絕對是陳家樂囡囡Camila！家樂除了帶埋太太連詩雅（Shiga）現身，仲抱埋剛剛一歲的囡囡女Camila一齊出席，這位「七月BB」第一次參加公司生日會，眼仔碌碌四圍望，對着閃閃氣球顯得超好奇，萌爆程度即刻秒殺全場。她不單止成為眾人焦點，連英皇集團主席楊受成都忍不住走過去逗她玩。楊受成見萌B立刻封了大利是給Camila，寓意福氣滿滿！而Camila亦即時「回禮」錫咗楊受成一啖，甜到漏，看來這位「七月之星」已經成功俘虜楊博士的心。

生日蛋糕。

生日蛋糕。

而同樣是壽星的歐陽震華及家怡繼續發揮搞笑本色，同大家打成一片玩selfie，而Dark、大雄同Roy於party上玩到癲，氣氛熱爆。至於生日願望，歐陽震華謂：「希望世界和平，人人身體健康，日日開開心心。」家怡同樣希望世望世界和平，「經濟好啲，人人有工開，身心健康。」

歐陽震華謂：「希望世界和平，人人身體健康，日日開開心心。」

周家怡同楊受成攬攬！

英皇娛樂為七、八、九月生日的藝人及同事舉行生日會。

新春將至！恒隆地產旗下商場Fashion Walk今年聯乘風靡韓國的人氣文創品牌「Brunch Brother」，由即日至3月3日期間，攜手打造「BRUNCH into the New Year 潮玩新年」主題活動，將銅鑼灣Fashion Walk三大區域化身成充滿韓式療癒感的Brunch Brother新春喜慶派對！六大賀年主題打卡場景，集合了吐司兄弟、奶油狗、小黃鴨等一眾可愛角色，與您同慶新春，祝願大家馬年行運、喜樂滿載！

陳家樂（Carlos）、連詩雅（Shiga）

為隆重其事，恒隆地產昨日（1月8日）特別邀請星級夫婦陳家樂（Carlos）、連詩雅（Shiga）親臨現場，為恒隆商場Fashion Walk X Brunch Brother「BRUNCH into the New Year 潮玩新年」擔任啟動禮嘉賓，聯同恒隆地產香港業務—零售及市場推廣總經理雷一鳴先生一同參與創意的「出爐」儀式，三人合力從焗爐中取出造型可愛的Brunch Brother方包公仔，以溫馨有趣的方式象徵著新春活動正式展開，為現場增添濃厚節日氣氛。

兩位對六大主題場景的精心設計讚不絕口，急不及待與各個打卡點拍照留念。Carlos特別鍾情於正在街頭Busking的吐司兄弟裝置「吐司傳心思」，覺得它們活潑搞怪的模樣十分討喜，他表示：「Brunch Brother嘅角色真係好得意，睇到即刻心情好！今次商場出咗三款限定新年主題精品，陣間就入手Brunch Brother大頭公仔斜揹袋仔送俾Camila（女兒）新年揹住去逗利是，人見人愛，一定『收入』可觀呀！」

陳家樂（Carlos）、連詩雅（Shiga）

而Shiga則對「寵有打卡位」的寵物友善主題鬆餅店情有獨鍾，寵妻的Carlos相當識做，自動波幫忙揸機影相，甜蜜互動成為全場焦點。自認食極唔肥的Shiga則笑言：「身為打卡加飲食愛好者，好開心今次Fashion Walk聯乘Brunch Brother，現場嘅打卡位設計得好有心思，大家嚟食飯打卡一定可以大飽口福同眼福！」被問及農曆新年計劃時，Shiga表示：「新年最緊要係同身邊珍惜嘅人一齊過，都想帶埋囡囡嚟打卡，感受新年氣氛，仲可以順便在Fashion Walk置新裝，一定會係好好嘅假日回憶！」

陳家樂（Carlos）、連詩雅（Shiga）