近日打風過後例牌都要落幾日雨，雨傘都未滰乾第二日又要用了！有網民日前影到有自私居民竟在大廈走廊兩邊大門晾傘。令網友歸家的路似要行過障礙賽道般，非常不便。網友一怒之下將相片上載至社交媒體公審！
近日打風過後例牌都要落幾日雨，雨傘都未滰乾第二日又要用了！AP資料圖片
4把兩傘打開倒掛在個4單位門口
點擊看圖輯
近日打風過後例牌都要落幾日雨，雨傘都未滰乾第二日又要用了！AP資料圖片
樓主早前在社交平台Threads上載相片，並發帖留言指「有冇人走廊都係咁擺，其實有啲阻住行」。只見相中似是大廈走廊，清楚可見有4把打開的雨傘，分別左右倒掛在四個單位的鐵閘門口，似足障礙賽道般。似是雨傘用過後想打開晾乾。
threads 圖片
網斥：通知管理處處理
見帖的網民都留言批評「都幾自私㗎喎」，大家都一致建議「投訴佢」、「應該可以call（致電）管理處」、「報管理處，看著他們處理好」、「通知管理處處理，不用自己出手」、「第一次見。。。你會考慮幫手收晒落去樓下櫃檯嗎」
threads 圖片
網笑晾乾方法無用
有網民就認為晾乾方法無用，稱「其實打開同收埋都一樣會乾」、「我自己入放入屋...。其實放入屋好快就乾啫...」、「細個住公屋，無人咁樣開住掛遮，掛都係收起咗嘅狀態掛鐵閘由得佢滴」。
示意圖。AI生成圖片
網驚：咁樣會招遊魂野鬼
有網民就提醒正值農曆七月鬼節，由於有民間習俗認為雨傘是收魂的法器，打開雨傘怕會招野鬼魂，形容「仲有啲恐怖感～」、「農曆七月十四夜晚見到都幾驚」，所以提醒「農曆七月真係唔建議」、「呢啲招鬼入屋儀式」、「咁樣會招遊魂野鬼」、「室內開遮惹鬼，走廊算唔算室內呢？」、「幫佢他貼張紙，寫住「室外開遮，引鬼入屋」。
有時騙徒很會利用人的善心，就似日前有網友出警世帖，指日前在一間本港連鎖大型藥房，差點跌入「撿錢包反被誣陷偷錢」騙局，幸好當時有所警愓沒有受騙，但帖文卻引起網友的熱議！
示意圖。AI生成圖片
樓主驚覺險跌「掉錢包陷阱」
網友發帖指日前在一間本港連鎖大型藥房遇到一件很可疑的事件。他表示當時在藥房將個購物籃放在地上然後查看展示櫃的貨品，但他留意到期間一直有名男子在附近徘徊。怎料「準備走嗰陣現籃子旁邊多咗一個露出大量現金嘅錢包」幸好當時樓主有所警愓，指感覺好似常見的「掉錢包陷阱」。
地上有一個銀包，卻似是被人刻意地展露了一大鈔票，當中有幾張500及100元港幣。FB圖片
銀包刻意展露了一大疊鈔票
於是他找來店員處理，正當店員剛要撿起錢包時，突然那名男子衝出來，並出示身份證指錢包是他的，但樓主質疑對方「反應異常冷靜熟練」令他懷疑是新型騙術，是「撿錢包反被誣陷偷錢」的騙局。由樓主PO出的相片所見，地上有一個相當殘舊的銀包，卻似是被人刻意地展露了一大鈔票，當中有幾張500及100元港幣。
示意圖。AI生成圖片
網撐：建議見錢銀一律唔好掂
帖文一出大部份網民都認同這很可能是一場騙局，認為最適當的處理方法是不要觸碰，直接通知職員或報警：「點解咁大個銀包啲$500會淨係凸個銀碼出嚟咁得意嘅？」、「身份證又唔係放喺銀包入面咁得意」、「咁奇怪？用身份證衝出嚟話銀包係佢，唔係擺埋一齊咩？」、「真係跌落地下， 啲錢都唔會突出嚟㗎， 佢真係好假」、「啲錢點會咁樣跌出嚟呀？肯定係一個局，攞起咗你就後悔」、「建議大家見錢銀一律唔好掂，一係揾店員一係報警。您一掂，對方就有藉口老屈您。永遠保持眼看手勿動，更不要心動。」、「正常跌銀包啲錢會咁樣show 出嚟嘅咩？」、「好彩你講出黎….如果唔係真係會好心執起」。
網上圖片
跌錢黨原來已有三十年歷史
亦有網民指出早在三十年前已出現過類似的詐騙手法「呢啲跌錢黨都有三十年歷史，以前有啲喺海港城近中港碼頭出沒」、「呢一招30年前已經用緊，我個同事就係因為貪心執咗個銀包，畀人呃咗隻鑽撈」、「幾年前係旺角都遇過跌錢黨，佢係我前面行行下跌咗幾張一百蚊，我開聲叫住佢話你跌咗錢，佢又係異常冷靜咁執返，唔該都冇講一句，發現佢附近有另一個男人同佢打眼色！好彩我機警冇幫佢執錢！」、「多年前喺深圳福田遇到過有人刻意喺我面前跌咗一包金，跟住另一個人執起神神秘秘話同我一齊分左佢，我拒絕咗，叫佢自己一個人要晒佢。永遠警戒自己，貪字得個貧」。
網笑：一腳就踢銀包落櫃底
有網民搞笑地表示應該「一腳就踢落櫃底，等佢爬低慢慢執」、「一腳窩利抽射解決晒所有問題」、「我以前係街到遇過呢啲，當時條友同我打對行，佢咋咋底底跌銀包，我又咋咋底底一腳幫佢踢出去馬路」。
