直播靈接觸｜張芯熏師傅講述拜神有禁忌 悟能師傅解惡鬼「奪舍」攞命？

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，昨晚（9月9日）主題「亂拜神」，請來張芯熏師傅擔任嘉賓，新增環節「師傅上門」悟能師傅登場，為亂拜神疑似遭惡靈入侵的Amy出頭。

昨晚嘉賓張芯熏師傅。

昨晚嘉賓張芯熏師傅。

上門前先由塔羅師羅泳嫻（裸泳）用塔羅牌拆解事件來龍去脈，她說︰「呢位女士屬靈異體質，容易招惹陰嘅嘢，好容易被靈體『奪舍』、控制。Amy本身無自信心，容易畀人呃。從牌理睇到佢係畀一隻女鬼控制，仲招埋好多靈體一齊。」塔羅師裸泳表示情況已到危險地步，她補充說︰「佢會開始神智唔清醒，唔係好知自己做乜。解決方法要搵一位男性象徵嘅神出馬。」

裸泳用塔羅牌拆解事件來龍去脈。

裸泳用塔羅牌拆解事件來龍去脈。

悟能師傅來到Amy家中，當他唸起咒語，Amy竟露出惡相跟師傅以古怪的言語「交談」，且試圖反抗。悟能師傅接住做出一連串吸吮動作，此時Amy身體不斷抖震並出現作嘔及咳嗽現象，經過一輪搏鬥後終於平靜下來，Amy表示感到身體很熱及出汗。悟能師傅直言Amy身上不止一隻惡靈，他說︰「不停騷擾令佢神智不清，攞佢命。佢有多好多隻纏身，吮一次就『食』一隻，最後一次個隻真係好惡，無辦法要搵鍾馗先師處理。」思浩於節目中補充，觀眾想睇悟能師傅足本驅鬼過程，稍後可到myTV SUPER收看。

當事人Amy會有奇異動作及不自覺畫符。

當事人Amy會有奇異動作及不自覺畫符。

悟能師傅為攝製隊畫符辟邪。

悟能師傅為Amy吮走身上惡鬼。

悟能師傅為Amy吮走身上惡鬼。

悟能師傅為Amy吮走身上惡鬼。

悟能師傅為Amy落「保護衣」免再受惡鬼騷擾。

昨晚嘉賓張芯熏師傅教導分辨真神定假鬼，她表示拜神只要準備香燭、生果、鮮花、清水就可以，拜神最佳時間包括卯時（上午5點至7點）及酉時（下午5點至7點）。張芯熏師傅表示有善信去觀音廟裝香，忘了觀音茹素竟然帶酒作祭品，惹神靈不高興。她又透露遇有不小心打爛神像的正確處理方法︰「唔好黐返佢、又唔好就咁掉垃圾筒，要先用紅紙包住，同菩薩講對唔住，要食齋、做善事補救，之後從新再請過。」

張芯熏師傅講述拜神禁忌。

張芯熏師傅講述拜神禁忌。

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，本周一、二晚9點半播映。黑白無常黃瀅仴、湯之欣，繼續任小編跟網民互動。

昨晚請來澳門花姐擔任嘉賓。

「初一」李卓妍（左）同「初十五」羅皓誼（右）依傳統還陽。

李卓妍、羅皓誼變身孖生女鬼。（資料圖片）

黑白無常黃瀅仴（左）、湯之欣（右）。

《直播靈接觸》每到一季節目尾聲，都有「女鬼還陽」的習俗，今季的孖生女鬼「初一」李卓妍（阿雲）同「初十五」羅皓誼（Chloe）昨晚還陽。她們跟黑白無常交換位置，擔任小編的職責，在現場跟網民互動。阿雲表示能夠擔任小編一職感到興奮，她笑說︰「真係好緊張，希望大家入嚟chat room幫我打氣同傾偈，無論乜嘢留言都會覆㗎。」另一位女鬼Chloe就話參加這個節目，令自己獲益良多，她說︰「學到嘢仲好好玩，有幾次化完女鬼妝之後，工作人員都分唔到我哋，可以去玩猜猜我是誰。」

黑白無常客串擔任佈景板。

昨晚主題為「隔籬埠的鬼故事」，請來澳門藝人花姐擔任嘉賓。香港人經常到澳門埠吃喝玩樂，原來當地不少港人喜歡打卡、遊玩的地方，都有不少猛鬼傳說。花姐透露從小到大假如要去黑沙海灘玩，媽咪都規定晚上11點前要回家，她說︰「嗰度係澳門唯一海灘，嗰度都幾猛下。每次去燒嘢食，媽咪最想我太陽一落山就返屋企。」花姐解釋除了發生過不少遇溺事件外，附近有一座墳場，所以特別多靈體聚集。思浩提到一單轟動一時的一家十口滅門慘案，事件被改編成電影，他說︰「唔單止澳門，係全個東南亞都轟動，後期拍咗好多電影《八仙飯店》，嗰兇手殺完人仲將屍體整成叉燒包賣，部份死者嘅手腳就掉到黑沙海灘。」思浩話有趟一對情侶到沙灘拍拖，見到一名小朋友向他們招手，當行近去看時竟然只見到一對手，嚇到二人即時報警，最後揭發滅門事件並找出兇手。

花姐接住講起澳門都市傳說，關於「萬人坑」的傳聞，她續說︰「喺氹仔有一個墳場，附近嘅樓都好猛下。」話說有對夫婦住在附近，有日夜晚丈夫開車載太太回家，先讓對方上樓。當太太回家開門，竟然見到有兩個人在客廳食飯，花姐接住說︰「當嗰兩個人一轉身，發現竟然係自己同老公嗰樣，三人對視咗一陣。太太嚇到衝落樓搵老公，當再上返嚟時已經一切如常。」花姐表示一帶的屋都可以望海，形似聚寶盆，其實老澳門人都知，該處海面經常有浮屍出現。此外，今晚最後一集將有重量級神秘嘉賓登場，絕對不容錯過。

靈異故事講到當年澳門八仙飯店滅門慘案。