「東張女神」俞可程（Kanis）前日（9月8日）在8號風球下駕車返工時，於龍翔道入彎時疑因跣胎失控猛撞石壆，事後她自爆「一度以為自己會死」，震驚各界。她昨日（9日）在IG發長文正式報平安，並上傳多段限時動態透露已復工，感激各界關心之餘，更豁達表示：「大難不死必有後福！」
俞可程（Kanis）昨日（9日）在IG報平安。
前日（8日）在8號風球下，俞可程駕車返工，於龍翔道入彎時疑因跣胎失控猛撞石壆。
多謝善心人幫忙。
傷口都好深！
緊急送院。
香港人好有愛！
俞可程IG發文如下：
多謝好多人呢兩日嘅關心，收到好多人嘅訊息好擔心我，令大家擔心真係唔好意思🥹🥹 喺度都正式報過平安。❤
點擊看圖輯
更多相片
俞可程（Kanis）昨日（9日）在IG報平安。
前日（8日）在8號風球下，俞可程駕車返工，於龍翔道入彎時疑因跣胎失控猛撞石壆。
多謝善心人幫忙。
傷口都好深！
緊急送院。
香港人好有愛！
已經復工。
8號風球下，朝早揸車返工，去到龍翔道入彎跣呔架車突然失控，撞上石壆，係無超速下衝力都好大，一撞上去全部airbags彈曬出黎，車外車內都出晒煙，經過嘅車都叫我即刻落車，驚架車着火。撞咗車嘅一刻唔係好知發生咩事，個頭有啲暈耳仔有啲wing，但係都係清醒，即刻攞電話報警，過程中好多車都停低幫手，多謝晒佢哋🥹🙏🙏🙏
27歲人，第一次撞車，撞嗰一刻真係以為自己會死，好驚好驚險，但係最後行得走得，都算係只係輕傷，已經係不幸中嘅大幸，亦都係好幸運💕
向所有要喺惡劣天氣底下工作嘅人致敬，真係十分偉大 💓都好多謝幫過我安慰過我嘅所有人🥺 當下好無助，有你哋小小既幫助都巨甚意義，真係好感謝感謝💓🙏
大難不死必有後福🤍 希望所有人都平平安安健健康康開開心心😊😊
已經復工。
