「雌雄神偷」放題打包食材事件引網齊「懺悔」 最多人拎走係呢樣嘢...

早前荃灣千海水產放題「雌雄神偷」打包食材斷正引起全城熱話，事件中男主角貪得無厭的行為令人乍舌！有網民在社交平台發文，指食放題「最多都係拎支茶飲住走，但係裝晒成個袋又過份咗.....」沒想到帖文卻引來大批網民「懺悔」，留言「告解」平日光顧放題時取走的物品........

設計圖片

網上圖片

最多人「懺悔」拎走任飲飲品

在眾多留言當中，最多人坦言取走的是飲品，「我以為拎嘢飲已經衰，每次都好鬼祟」、「我仲因為次次食完袋走支開左(咗)既(嘅)茶而有罪惡感」、「飲左(咗)幾啖又真係會拎走唔想浪費，但未開就唔會拎出個雪櫃咁」、「平時飲剩半支茶拎走已經好驚青，呢pair人仲要有晒計劃」、「我最尾走拎支嘢飲都要打開咗飲兩啖先，都唔敢就咁攞走。」

早前荃灣千海水產放題「雌雄神偷」打包食材斷正引起全城熱話。示意圖AI生成圖片

有人告解拎走公仔麵及雪糕

亦有網民表示會取走麵食和雪糕，「最多都係拎包出前一丁走」、「我都想告解，我只係拎過黃色公仔麵一包」、「我會斟多杯雪糕食住走」、「通常都係飲住罐果汁走，或者食住個雪糕走。」

網上圖片

有食肆對帶走食物處理較寬鬆

亦有網民留言指曾詢問過員工可否帶走飲剩的半支茶和約10粒軟糖，「佢話緊係得！話幫我入起啲糖，結果佢拎返黎(嚟)，係一杯仔入滿既(嘅)軟糖！大概有三四十粒！叫我慢慢享用。」

網上圖片

網民試過被職員溫馨提示

但都有網民試過被食肆職員溫馨提示，「記得有次去日本食燒肉放題，埋完單咬住枝雪條出門口，都比個職員叫返轉頭，叫我食完先離開」、「朋友試過拎雪糕，拎咗一次拎第二次已經被職員溫馨提示，『係咪攞咗啲雪糕呀？唔可以帶走架』。」

網上圖片

有網民日前在社交平台分享，有一高層單位住戶，竟在睡房窗外橫向伸出一根長桿，懸掛十多件衣物，猶如「紅杏出牆」！

有一高層單位住戶，竟在睡房窗外橫向伸出一根長桿晾衫！Threads圖片

高難度方式晾衫

雖然涉事單位另一側窗戶外設有晾衣架，但住戶仍選擇以高難度方式晾衫。影片可見衣物隨風擺動，危險情景令拍攝者驚呼「好神奇啊，究竟點解會曬到咁樣？」

遠處見到特別顯眼。Threads截圖

網民推測或涉鄰里問題

有網民推測背後或有慘情原因，「可能另一邊不斷滴水，投訴極都無人理，咪出此下策」、「上面滴水落嚟」。亦有人指外牆晾衫易沾塵埃雀屎，「洗完搵啲濕衫吸塵」。

有網民指以前公屋也是這樣。Threads截圖

危險行為惹安全憂慮

有網民指出，這種「晾衫神棍」可在網上購買，屬伸縮設計。不少網民擔心此舉危及路人安全，「大風少少就跌」、「如果支鐵通唔夠力跌咗落去，會掟死人」。有人批評行為「漠視他人安全」，甚至戲稱「算唔算僭建」。網民建議應向屋邨管理處反映，避免發生意外。

有網民指出，這種「晾衫神棍」可在網上購買。資料圖片