「雌雄神偷」放題打包食材事件引網齊「懺悔」 最多人拎走係呢樣嘢...

早前荃灣千海水產放題「雌雄神偷」打包食材斷正引起全城熱話，事件中男主角貪得無厭的行為令人乍舌！有網民在社交平台發文，指食放題「最多都係拎支茶飲住走，但係裝晒成個袋又過份咗.....」沒想到帖文卻引來大批網民「懺悔」，留言「告解」平日光顧放題時取走的物品........

設計圖片

網上圖片

最多人「懺悔」拎走任飲飲品

在眾多留言當中，最多人坦言取走的是飲品，「我以為拎嘢飲已經衰，每次都好鬼祟」、「我仲因為次次食完袋走支開左(咗)既(嘅)茶而有罪惡感」、「飲左(咗)幾啖又真係會拎走唔想浪費，但未開就唔會拎出個雪櫃咁」、「平時飲剩半支茶拎走已經好驚青，呢pair人仲要有晒計劃」、「我最尾走拎支嘢飲都要打開咗飲兩啖先，都唔敢就咁攞走。」

早前荃灣千海水產放題「雌雄神偷」打包食材斷正引起全城熱話。示意圖AI生成圖片

有人告解拎走公仔麵及雪糕

亦有網民表示會取走麵食和雪糕，「最多都係拎包出前一丁走」、「我都想告解，我只係拎過黃色公仔麵一包」、「我會斟多杯雪糕食住走」、「通常都係飲住罐果汁走，或者食住個雪糕走。」

網上圖片

有食肆對帶走食物處理較寬鬆

亦有網民留言指曾詢問過員工可否帶走飲剩的半支茶和約10粒軟糖，「佢話緊係得！話幫我入起啲糖，結果佢拎返黎(嚟)，係一杯仔入滿既(嘅)軟糖！大概有三四十粒！叫我慢慢享用。」

網上圖片

網民試過被職員溫馨提示

但都有網民試過被食肆職員溫馨提示，「記得有次去日本食燒肉放題，埋完單咬住枝雪條出門口，都比個職員叫返轉頭，叫我食完先離開」、「朋友試過拎雪糕，拎咗一次拎第二次已經被職員溫馨提示，『係咪攞咗啲雪糕呀？唔可以帶走架』。」

網上圖片

大家都知道「重要嘢要講三次」，不過有時候三次可能都未足夠。

網上圖片

近日，一輛行駛港島區的城巴37A線巴士，因車頭同時擺放5張「37A」紙製路線牌在網上掀起熱議。照片所見巴士電子顯示屏運 作正常，但車長仍堅持不懈在車頭額外放置多張路線牌，似乎每一張「37A」背後都有一段爆笑的故事。

《愛回家》劇照。示意圖片

《愛回家》劇照。示意圖片

有網民自稱是該車長兒子，他為父親的行為解畫，指父親因電子顯示屏「時好時壞」，故預先放置備用路線牌，其後發現駕駛座遺留前幾更司機未清理的舊牌，索性一併擺出提醒自己歸還。這張爆笑的照片在網上瘋傳，網民亦紛紛留言：「然後乘客上車繼續問司機：37A呀可？」、「司機每一次俾人問係咪37A就加多張」、「好似以前玩遊戲咁：以下圖中有多少個37A」。、「每張37A都有一個故事」、「呢度起碼五個故事」、「呢個似事故，多過似故事」、「我點解覺得今晚會發夢夢到37A」、「重要野講5次，重要野講5次，重要野講5次，重要野講5次，重要野講5次」、「此地無銀37A」

網上圖片