《TVB 同行新世代節目巡禮 2026》星期二（10月28日）假西九文化區戲曲中心隆重舉行，無綫逾80位藝員隆重登場，逾80位藝員出席，場面盛大。
巴士的報記者攝
黃智賢與蔣祖曼出席節目巡禮時接受傳媒訪問表示，二人在《武林》中各自的造型，都嚇對方一跳。黃智賢透露為拍攝有認真操肌，出來效果真係好fit，而對於拍檔蔣祖曼在劇中的造型，他透露「真係醜到一個點」。
巴士的報記者攝
巴士的報記者攝
星期二早上傳來許紹雄(Benz雄)離世的噩耗，黃智賢與蔣祖曼都跟許紹雄合作無數，蔣祖曼透露對上一次見到Benz哥是在《正義女神》，當時他精神仍好。黃智賢形容整個娛樂圈失去了一個不可取代亦不可多得的前輩，「佢係我既前輩，又係好朋友」，黃智賢指二人相識超過三十年，「我細細個佢已經叫我叉燒包，叫到宜家，佢真係睇住我大」，黃智賢形容心情難過，星期一去醫院探望Benz哥的時候，心情好沉重，「見到佢太太一刻，大家都喊咗出來」。
巴士的報記者攝
黃智賢指消息好突然，「一個月前同佢通電話，都未察覺到嚴重性」。他又回憶當初入行，已經覺得到Benz哥是一個大哥哥的角色，會帶大家參加好多不同類型的活動，是娛樂圈好難能可貴的前輩。
由無綫與優酷聯合出品，鍾澍佳總監製，關文深監製，郭健樂編審的台慶劇《康業信貸快遞呈獻：新聞女王2》，逢周一至周五晚八點半翡翠台播映。領銜主演：佘詩曼、黃宗澤、李施嬅、高海寧、王敏奕；特別主演：馬國明、夏文汐；主演：譚俊彥、陳曉華、鄧智堅、龔慈恩、蔣祖曼、何廣沛、吳業坤。
Joman一出場就打人，好有霸氣。
啲微表情又型又靚。
昨晚（11月14日）播出的第五集《新聞女王2》內容豐富精彩，短短一集有齊Man姐（佘詩曼飾）VS方太（龔慈恩飾）、企業家白書昀Diana（蔣祖曼飾）用劉艷（王敏奕飾）測試Man姐、公開平台成功尋獲金主、Kingston（黃宗澤飾）捲入歧視女性事件，張家妍（李施嬅飾）的心結、以及張家妍與Man姐以及舊愛邵俊樂律師（高鈞賢飾）同場「互片」。
Joman呢個一分鐘嘅成功人士演說，極度像真，佢無論眼神、語氣同埋肢體語言，都好有說服力。
幾咁有型。
Diana處事好有自己一套，而且個人亦都溫文又冷靜。
網民讚選角有說服力：蔣祖曼超級適合演高智商角色
昨晚首度出場的蔣祖曼（Joman）亦相當搶焦。曾憑《使徒行者2》奸角張雪晴、《逆天奇案》大律師鍾嘉瑜、及《法證先鋒VI：倖存者的救贖》的國際名模Nana贏獲關注的Joman，過往雖曾反串演出、亦以飾演女強人馳名，不過這次演高智商企業家依然帶出新鮮感，筆挺西裝套褲、內搭帥氣淺色開胸恤衫及Optional出現的黑色高領打底，再配以all back gel頭及無框眼鏡，加上睿智眼神，標準女強人形象令人眼前一亮，更有網民驚嘆第一眼未能認出Joman。談到新劇造型，向來謙虛的Joman指全靠總監製鍾澍佳：「由《法證》到今次《新聞女王2》，佢每次都可將我包裝到大家冇諗過嘅造型。今次呢個造型望落我都覺得自己好Smart。」並笑言佳導為演員設計造型時堪稱「摩打腦」：「我記得試造型嗰日，有張長枱擺滿咗好多好多款嘅眼鏡，睇到我眼都花，但佳導就目標明確咁極速揀咗好幾款畀我試，亦都好快就揀啱咗。」
香港匯豐銀行總行41樓Turner Room
香港匯豐銀行總行28樓
雖然Diana用劉艷測試Man姐會唔會係為咗利益而放棄理想嘅人，但當聽到Man傻氣地為情義推掉100萬美金巨額注資時，都係忍唔住睥咗Man姐一下。
Diana喺一集入面，講咗三次「我鍾意你呀，文慧心」，「昀心CP」就係咁樣誕生咗喇。
被Man姐感動到嘅劉艷，喊到咁勁可愛。
除了Image夠突出，Joman飾演的「女版Ironman」Diana性格亦超屈機，一出場即使出「鐵沙掌」怒摑色狼的Diana，不但高智商，性格瀟灑爽快又重情重義，難怪獲網民愛爆：「一直都蠻喜歡她的，演技一直都好好」、「霸氣側漏」、「姐姐太帥了」、「超級適合演這種高智商的角色」、「看蔣祖曼做強人角色都不會厭倦」、「這個造型太有英氣了」、「英姿颯爽」、「髮型、眼鏡看得出有精心打造」、「黑色高領衫完美配合強人形象」。
Man姐呢吓半秒直入霸氣Mode，極有潛質再成《新聞女王》系列經典。
一句對白，串連起三個角色人物關係，仲要有火藥味，絕。
Man姐同方太「口密腹劍」式嘅高手過招，亦係好搶Fo。
感激佘詩曼一窩心舉動助增強氣場
Joman昨晚一集與阿佘有大量對手戲，與Man姐惺惺相惜的Diana、期間三度說出「我鍾意你呀，文慧心」，加上二人有情有義兼有遠見的特質十分相像，獲網民封為「昀心CP」，並大讚二人相當合襯：「你們這樣也太Sweet了」、「不如你們在一起吧」。其實「雙曼配」劇內劇外同樣甜蜜，二人宣傳劇集時曾合力擺出心心手勢，令不少網民為之瘋狂。談到在劇中角色霸氣不輸阿佘，Joman透露由於自己向來是欠缺自信的人，所以拍攝前確有擔心氣場相比下會偏弱，最終全靠阿佘一窩心舉動，令她放下心頭大石：「佢喺開拍前特登搵咗我傾偈，同我講唔需要擔心或者驚佢，又畀我了解佢多啲，等我可以放鬆去演，所以我好感激佢，佢真係好好。」
全劇實景拍攝的《新聞女王2》，昨晚一集Diana約見Man姐提出會注資公開平台、及Diana與隱形富豪洪先生初次見面的地方，便是破例獲得香港匯豐銀行總行借出41樓Turner Room及28樓進行拍攝。為紀念前滙豐銀行董事局主席及總經理Michael Turner命名Turner Room，四周滿佈玻璃幕牆，透光度十足；加上樓頂甚高、氣勢磅礴，與Diana的頂級企業家相當配合。而《新聞女王2》往後集數，亦有借用滙豐銀行總部大樓內的不同設施進行拍攝，敬請密切留意。
