直播靈接觸｜張芯熏師傅忠告「赤馬紅羊」戒急用忍 宜「多啲請人食嘢」拆解？

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，逢周一晚9點半及周二晚9點35分播映。黑白無常黃瀅仴、湯之欣，繼續任小編跟網民互動。

昨晚嘉賓張芯熏師傅。

昨晚（11月4日）主題為「山海經X奇門遁甲」請來張芯熏師傅擔任嘉賓。有指《山海經》不單記載住古代世界、奇珍異獸，更隱藏祭神驅鬼、奇門術數等不傳之秘，堪稱一本奇書。

張芯熏師傅忠告於「赤馬紅羊」年宜戒急用忍。

節目中張芯熏師傅提到《山海經》中隱藏很多跟奇門遁甲有關的事物，她說︰「古代神話黃帝同蚩尤打仗，上天派咗九天玄女下凡，傳授黃帝三宮陰陽之略、太乙遁甲、六壬步斗之術，呢啲都係奇門遁甲嘅前身，所以九天玄女娘娘被視為奇門遁甲嘅祖師爺。」講到《山海經》跟奇門遁甲淵源，最大意義是紀錄了不少地理日誌，同時提到不少確實存在的風水龍脈，張芯熏師傅補充說︰「而經入面提到好多奇形怪狀嘅神獸，跟現代科技不謀而合。其中提到一種酸與（鳥），六目、三手、三翼、一尾，凶殘程度相當厲害，就好似現代嘅戰機。」

《山海經》跟奇門遁甲有一定淵源。

《山海經》中出現不少神獸。

思浩提到明年踏入「赤馬紅羊」年，網上鬧得熱哄哄指將有世界大戰末日降臨。張芯熏師傅先解釋「赤馬紅羊」由來，她說︰「明年同後年分別係馬年（丙午）同羊年（丁未），馬同羊都屬火。講返少少歷史點解有呢個稱呼，早喺《丙丁龜鑑》已經講過，最早喺商朝、秦朝之間，一直去到漢朝，總共出現咗21次『赤馬紅羊』。而明年剛剛就撞到九運裏面，火最旺嘅時間，所以大家炒到咁火熱。」張芯熏師傅忠告在動盪之年，要保持耐性切忌急躁，她說︰「那怕係一個好溫馴嘅人，都會突然變得好暴燥、情緒唔穩定，小小事就方寸大亂，做唔到應該有嘅決策。」師傅特別提醒屬馬的人會首當其衝，甚麼問題的事情都會發生，猶如墮落深淵，她接住補充︰「其次係屬鼠朋友，明年犯太歲會麻煩好多。鼠屬水、遇上火旺，好容易兵戎相見。要破解就要賣乖，乖乖哋喇，多啲請人食嘢，同埋可以嘅話退居二線，扮老二唔係最大嗰個。而後年屬羊朋友都好慘，會畀身邊最親嘅人呃。」師傅話最令屬鼠朋友頭痛，就是荷包慘痛，更預測經濟在2025年稍有喘息，但在整個火運中的接下兩年，經濟會出現恐慌性插水。

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，本周一、二晚9點半播映。黑白無常黃瀅仴、湯之欣，繼續任小編跟網民互動。

昨晚請來澳門花姐擔任嘉賓。

「初一」李卓妍（左）同「初十五」羅皓誼（右）依傳統還陽。

李卓妍、羅皓誼變身孖生女鬼。（資料圖片）

黑白無常黃瀅仴（左）、湯之欣（右）。

《直播靈接觸》每到一季節目尾聲，都有「女鬼還陽」的習俗，今季的孖生女鬼「初一」李卓妍（阿雲）同「初十五」羅皓誼（Chloe）昨晚還陽。她們跟黑白無常交換位置，擔任小編的職責，在現場跟網民互動。阿雲表示能夠擔任小編一職感到興奮，她笑說︰「真係好緊張，希望大家入嚟chat room幫我打氣同傾偈，無論乜嘢留言都會覆㗎。」另一位女鬼Chloe就話參加這個節目，令自己獲益良多，她說︰「學到嘢仲好好玩，有幾次化完女鬼妝之後，工作人員都分唔到我哋，可以去玩猜猜我是誰。」

黑白無常客串擔任佈景板。

昨晚主題為「隔籬埠的鬼故事」，請來澳門藝人花姐擔任嘉賓。香港人經常到澳門埠吃喝玩樂，原來當地不少港人喜歡打卡、遊玩的地方，都有不少猛鬼傳說。花姐透露從小到大假如要去黑沙海灘玩，媽咪都規定晚上11點前要回家，她說︰「嗰度係澳門唯一海灘，嗰度都幾猛下。每次去燒嘢食，媽咪最想我太陽一落山就返屋企。」花姐解釋除了發生過不少遇溺事件外，附近有一座墳場，所以特別多靈體聚集。思浩提到一單轟動一時的一家十口滅門慘案，事件被改編成電影，他說︰「唔單止澳門，係全個東南亞都轟動，後期拍咗好多電影《八仙飯店》，嗰兇手殺完人仲將屍體整成叉燒包賣，部份死者嘅手腳就掉到黑沙海灘。」思浩話有趟一對情侶到沙灘拍拖，見到一名小朋友向他們招手，當行近去看時竟然只見到一對手，嚇到二人即時報警，最後揭發滅門事件並找出兇手。

花姐接住講起澳門都市傳說，關於「萬人坑」的傳聞，她續說︰「喺氹仔有一個墳場，附近嘅樓都好猛下。」話說有對夫婦住在附近，有日夜晚丈夫開車載太太回家，先讓對方上樓。當太太回家開門，竟然見到有兩個人在客廳食飯，花姐接住說︰「當嗰兩個人一轉身，發現竟然係自己同老公嗰樣，三人對視咗一陣。太太嚇到衝落樓搵老公，當再上返嚟時已經一切如常。」花姐表示一帶的屋都可以望海，形似聚寶盆，其實老澳門人都知，該處海面經常有浮屍出現。此外，今晚最後一集將有重量級神秘嘉賓登場，絕對不容錯過。

靈異故事講到當年澳門八仙飯店滅門慘案。