TVB搞海外收費電視，不過業務欠佳，計劃在下個月推出「TVB餅」機頂盒救亡。不過，有指「TVB Anywhere」的機頂盒廣告抄足Samsung Galaxy S4。
有網民就直指TVB抄Samsung有五宗罪。先睇片，要兩條一同播放，就知具體情況。
睇完片，再具體多講一次。
第一抄是兩條廣告片的配樂一樣，第二抄是廣告的分鏡極為相似，節奏同展示產品模式都被指抄足。
第三抄，連產品擺位同移動路線與光源效果都相當類似。
第四抄就是中段間場的介紹文字，風格亦雷同。
第五抄，最後「要型」的一幕，擺位雖然相反，但形式幾乎一樣，只是Samsung的文字放在右方，左右分間；TVB的文字在左邊，上下分間。
廣告都抄橋？今次難道又是「如有雷同實屬巧合」？
