港姐亞軍龐卓欣（Ada）孖男友孫智威出席鐘錶活動，孫智威應記者要求錫足女友面珠五次影相，相當肉麻。對於被男友錫足五次，Ada笑言在公眾場所會檢點些，但有排先會結婚，男友事業剛開始，又認為兩個人鍾意對方毋需即刻結婚。
孫智威應記者要求錫足女友龐卓欣五次。
龐卓欣與男友孫智威一同接受訪問。
提到要計劃生B，Ada即遊花園指未諗聖誕禮物，又謂參演杜可風執導的電影仍未確定開工時間。問到孫智威可會接受女友拍親熱戲？他說：「親熱戲心裏一定唔想，做演藝要做迫唔到，床上戲就唔好，性感底線bikini、泳衣OK。（接吻戲？）對手係OK樣唔得，唔OK樣就畀。」龐卓欣笑言偶像是碧咸，孫智威即笑指已應承讓女友跟對方合作拍戲，他說：「如果咁啱一齊拍戲的話，但呢個機會係億份之一機會就畀囉！」
