MK-Pop始祖E-kids三子Tommy（阮民安）、Tim（郁禮賢）、Alan（林詠倫），解散10年再合體。今個月中三子先在Facebook公開諮詢網民意見，想知開個唱究竟有無人買飛嚟睇，結果反應出奇地熱烈，唔少8、90後都表示好想聽E-kids經典K歌Live版。
E-Kids開得成復出騷，Loop定啲舊歌先！
E-Kids真係開得成復出騷，並將於下年1月21日喺麥花臣場館只演一場，難怪E-kids於Facebook專頁興奮地公布消息兼大玩Hashtag：「終於！終於！！！成事了！！！2017年1月21日 麥花臣見！！！#等左 #14年了 #只要肯堅持 #奇蹟真係會發生 #承諾終於兌現了 #名字太多花樣千百樣你那會記得我 #呢個show我地一定會出盡一千倍力 #希望真係可以見到您們 #太激動」。
E-Kids於Facebook公布喜訊。