一個人孭起四頭家 吳啟華慳家住凶宅

53歲的吳啟華多年來中港兩邊走，頻頻接劇、接電影，投資的連鎖甜品店，表面上豬籠入水，但有苦自己知。一個人要孭起四頭家，他唯有自己慳住用，早前更搬到月租較平的凶宅居住。

吳啟華曾在活動上，狂呻與前妻和女兒等家人遊日時狂花了幾十萬，「買到最後一日，仲要碌爆卡！」

有女萬事足的吳啟華，雖然2014年已跟內地嫩妻石洋子離婚，結束七年夫妻關係，但他每月既要支付六萬元贍養費，又要繼續「象徵式」給予前外母「家用」，更要供養八歲的愛女吳熙兒和自己父母，還要每年搞三、四次動輒數十萬的闔家旅行，以維持良好關係。

14年，吳啟華宣布與石洋子離婚，但雙方聲言，離婚後，彼此仍為女兒保持着良好的關係。

曾有報道指石洋子是名「大花筒」，但當時吳啟華卻維護前妻說：「咁靚嘢想買係人之常情，除非我冇能力，有能力會滿足佢，而且佢係我太太，唔買畀佢買畀邊個呢？」更有指他曾表示沒有把婚姻處理好。難怪，現年才32歲的石洋子，早已沒再工作，只顧周遊列國、吃喝玩樂。

就算已經離婚也會一起去旅行。

為了撲水養家，吳啟華近年寧濫莫缺，工作接得幾多得幾多，經常中港兩邊走，拍劇、拍電影、登台、商演什都做，又在內地投資連鎖甜品店，六月時已在廣州開設第十間分店。不過，論到近期他最喜歡接的工作，就是接拍網絡電影，皆因片酬夠吸引。

吳啟華在內地投資連鎖甜品店生意越做越好。（網上圖片）

吳啟華說：「內地市場大，製作費一定高啲，斷日計好過平時拍劇，幾日就拍完，日薪真係好好㗎！跟住就可以抽時間陪前妻同個女去旅行。」一個人要養四頭家，吳啟華唯有自己慳住用，早前便從月租十多萬的畢架山豪宅，搬到月租平逾一半、曾有住戶跳樓輕生的太子道西一單幢樓。

吳啟華新租住的居所，位於九龍城太子道西，十三年樓齡，屬單幢式住宅，只得六十八個單位。

由香港邵氏兄弟國際影業有限公司及杭州優酷文化娛樂有限公司聯合出品，邵氏兄弟製作，樂易玲擔任總監製、黃國強監製、呂冠南、譚廣源擔任編審的《Return關節筋肌配方呈獻：執法者們》，本周一至五晚八點半翡翠台播出最後五集。

呢場１分半鐘嘅零對白車廂落淚戲真係好有感染力。

令唔少網民同情子溢個角色。

昨晚（7月22日）劇情講述周俊傑（黃宗澤飾）自線人丁小非（丁子朗飾）死後，鎖定真兇是其手下張建邦（羅子溢飾）。最終在周俊傑設局下，張建邦曝露了自己的內鬼身份！被踢爆的張建邦雖然表面拒絕自首，但天性善良及有正義感的他內心一直很掙扎，加上經不起周俊傑的苦口婆心，建邦一度愧疚至想自殺…被逼至走投無路的建邦，最終在警隊最大內鬼雷Sir（吳啟華飾）的升職典禮上向全世界踢爆雷Sir真面目，並為自己誤入歧途表示愧疚，最後在極度激動的情緒下，建邦吞槍自殺…

突然立定決心吞槍自殺呢幕，子溢個眼神明顯變咗。

完全感受到角色內心嘅痛苦。

昨晚羅子溢在兩場焦點場口均展現了沉鬱內斂演技，首先在一場長達分半鐘左右的駕車戲中，子溢在全程零對白的情況，只靠微表情、眼神及快要奪眶而出的眼淚，演活了角色複雜的內心情緒：愧疚、無助、悲痛及感動（被周俊傑的關懷打動），而在吞槍不果一幕，羅子溢亦將歇斯底里的情緒發揮得淋漓盡致。之後在升職典禮一幕，子溢槍指吳啟華一幕，先是落著淚超有殺氣的現身，再以夾雜憤怒、悲痛及自憐的情緒，向現場人士訴說自己如何受到吳啟華威逼而成為幫兇，及痛心又無助地一再強調：「我真係想做一個好警察」！子溢在場口中的演技贏盡了兩地網民好評：「真的發揮好好，眼前一亮」、「太帥了」、「這部戲（的演出）完全是穩下來又帶些許城府」、「讓人留下深刻印象的角色」、「羅仲謙d戲好咗咁多」、「有驚喜值得一讚」、「佢之前有幾套劇都演得好，《婚後事》、《家族榮耀之繼承者》。」網民又讚子溢被黃宗澤踢爆後的慌張眼神相當真實，完全將張建邦演活了。

型到。

怒氣沖天。

歇斯底里

原來男人喊都可以我見猶憐，子溢呢個眼神真係好冤枉同好委屈咁。

說到張建邦，絕對是一個可憐又可恨的負能量角色，之前因為沒背景沒學歷升職希望一再落空；及後又因查案時錯手殺了人怕被發現、被拍下毁屍滅迹證據而被利用做壞事…子溢接受官方訪問時坦言十分喜歡建邦這個角色，皆因覺得有挑戰性，故在細節位上花了不少心思：「我自己好深入了解過呢個角色嘅背景，一個鬱鬱不得志嘅警察做咗一件壞事，然後一個大話冚一個大話去掩飾自己仲可以繼續做好警察…我覺得自己進入呢個角色嘅時候，平時我哋喺片場係好融洽有講有笑，但拍呢套劇我每日去到片場，其實我會唔畀自己好開心、壓抑自己嘅情緒，等自己可以喺一個接近負面嘅情緒下去演繹每一句對白同每一個眼神，同埋要營造一個心虛嘅感覺，因為咁先會對所有事都好敏感。」

呢個係視死如歸樣。

呢場黃宗澤設局踢爆子溢嘅場口都好睇。

子溢個樣心虛到一個點。

直認對黃宗澤充滿愛！
問到角色如此壓抑沉鬱會否影響情緒及生活，子溢坦言每逢拍畢heavy情緒戲都不敢馬上回家，為的是不想有任何負面情緒影響到家人，果真是好老公、好爸爸：「我會坐喺片場度大概半個鐘，同啲工作人員傾吓偈，令個人開心返，等自己唔好帶任何負面情緒返屋企。呢個係好緊要，俾自己去放低、或者relax一下。」子溢又謂為做好角色，對於劇中恩師黃宗澤充滿愛：「呢樣嘢我都有同導演傾過，我覺得我對Bosco係要夾雜住友情、兄弟情，甚至係親人嘅愛，一定要有愛嘅心，個角色做嘅事先有立腳點。」

子溢話為咗投入角色，對黃宗澤好有愛。

子溢角色經常徘徊喺激動同可憐之間，係因為咁，佢演活咗角色嘅掙扎感。