雷莊兒言論掀罵戰　馮盈盈奉勸謙卑兼學好中文

新任港姐冠軍雷莊兒（Juliette）遭大批網民惡評，依然信心爆棚，貫徹正向思想。之前開直播講明不會浪費時間翻譯中文留言、會學好中文、自己有美貌以外的特質可以代表香港。但未學好中文前，Juliette還是愛用英文表達意見，今日她再發長文度強調不會理海嘯式的負評﹗

雷莊兒爆冷奪冠後，爭議未停過

Juliette先多謝香港同加拿大的fans，對於超多人指她不值得拎冠軍，樂觀的Juliette連打3個「fine」再加多個「wooo!」，自High強調感覺良好。她自稱不是弱者，會為自己發聲，又舊事重提上次開Live講過的心聲：「我唔會討好人架」、「我知自己有價值」；又感抱歉要支持者為她反駁「sick comments」。

繼續post文，強調自我感覺良好﹗（網上圖片）

至於未來動向，Juliette話會留港1年做好香港小姐的任務，夢想是去荷李活發展，自稱好國際化。她指自己雖然來自加拿大，不過香港才是她的根。自從摘冠後，Juliette每每出Post都惹來網民罵戰，今次亦不例外，有人叫Juliette加油；有人質疑「唔識中文點做好香港小姐呀？」、「全城鬧你卻只喺自己小圈子享受所謂的榮耀，我係你會收聲」、「學習同謙虛完全睇唔出囉」。

上屆冠軍馮盈盈貼出當晚賽後的合照(網上圖片)

港姐前輩、上屆冠軍馮盈盈在比賽後與Juliette合照，她Post相同勉勵Juliette：「堅持自我，總會有人欣賞到你的，同時要把每個難關當成磨練的機會，懷著謙卑的心從中反省自己改進自己」。馮盈盈又Hashtag「#其實我諗過用英文寫 #但香港小姐應該要明白中文的重要性 #唔緊要 #唔識咪學到識 #有咩不足咪做到好為止 #無人完美 #肯努力做好自己先最重要 #有壓力就有成長 #期待之後的美麗蛻變 #加油」。看來馮盈盈都知道Juliette盡集網民噓聲，奉勸小師妹要「謙卑」同學好中文。

馮盈盈勸雷莊兒謙卑同學好中文(網上圖片)

資料圖片

馮盈盈近日為Erryday Vitamin日之源NMN拍攝廣告，營養學出身的盈盈表示接拍前研究相關文獻、報告，笑言希望有絕佳狀況示人：「因為研發產品好高難度，自己就唔敢研究啦，都係落街買到最方便！依家都有好多贊助比產品我，都會想Share比家人食，但係都要揀咗先比佢地試。」

馮盈盈近日為Erryday Vitamin日之源NMN拍攝廣告。

讀養學出身的盈盈表示接拍前研究相關文獻、報告。

早前盈盈社交網頁「大解放」，上載性感廣告相片：「我覺得每個人都要比自己不斷『升級』嘅，所以無論身材定咩，都要比自己Fit啲、更加有健康活力展示，呢啲真係唔容易！」呢日廣告拍攝期間，盈盈大騷瑜伽天份：「我有接觸過瑜伽，之前都有同林德信上堂同埋拍片，不過我覺得自己嘅柔軟度有待改善，我會試吓拉多啲秀、提升能量，先會更有感覺！」

拍攝花絮

拍攝花絮