「憎狗論」犯眾怒 鍾晴認失言：日後會慎言慎行

鍾晴形容自己的言論不成熟及欠缺社會責任。

無綫藝人鍾晴（ Karlie）是兒童節目《Thing Big 天地》主持人之一，最近兼任《美女廚房》的「美女學徒」。早前眾《Thing Big》主持上節目《Big Boys Club》接受訪問，鍾晴先提到很怕狗，不論狗狗的體型大細都非常害怕，提到有一次拍攝外景時遇上大狗，並以「工廠啲狗特別毛茸茸同污糟，好乞人憎嗰啲啦吓」來形容。此話一出，即時引起大批愛狗人士洗版式狠批，直指她教壞細路更發起向廣播事務管理局投訴，當中亦不乏一些「花生友」作侮辱性指責。

TVB兒童節目主持鍾晴自言好怕狗，講起經歷七情上面，失言的她被大批網民鬧爆。

鍾晴於面書留言表示歉疚

鍾晴為此作回應，為自己的失言致歉，沒想過會引起如此大迴響，更強調言論並沒有惡意，她說：「今次係我表達得唔好，字詞用得唔正確，對唔住。我無心歧視狗狗，希望大家唔好誤會。」談到片段中其表現有點失控，又講過「唔知點解好驚狗」，她今次就有解釋：「我好細個嘅時候俾兩隻大狗追，嚇到一路喊一路跑。最後媽味抱起我救我，但係都俾其中一隻咬到腳。自此之後，我真係好驚，每次見到狗狗、講起狗狗都會失控，今次真係對唔住大家。」

鍾晴在《Big Boys Club》講過「唔知點解好驚狗」，現為失言致歉時又有解釋。

「廚壇魔術師」楊尚友（Christian）主持飲食資訊節目《東方表行 Take Your Time 呈獻︰老友記》，今晚（19日）九點半TVB Plus（82台）播映最後一集。

Christian推介西環一間燒味店，燒鵝做到皮脆肉嫩。

Christian幫手醃製燒鵝。

今晚（19日）楊尚友（Christian）繼續在西環覓食，推介一間燒味店，該店憑一碗燒鵝髀瀨粉賣到街知巷聞，更連續多年成為米芝蓮必比登推介店。Christian認為「斬料」是香港一樣很重要的食物，可謂「由細食到大」，所以每一位香港人都是燒味專家。

今集介紹的燒味店可以分成兩個階段︰老店跟新店，老闆吳先生在舊舖接手姨丈的燒臘店時，燒味是靠別人供貨，直到搬到現在的新舖，他才扚起心肝炮製自家出品，他解釋說︰「因為焗住要自己做，嗰時連燒爐要用咩溫度先燒得最靚都唔知，咪慢慢燒日日試囉，試唔啱就掉。燒腩仔都係呢幾年先爆得靚，之前都唔識點爆。因為我真係無師傅，亦無人問只有上網睇。」

香港人由細食「斬料」到大，所以人人都可以是燒臘專家。

西環名物之一的燒鵝髀瀨粉。

吳先生想起當初開店，以為只是手板眼見功夫，每日傻到去別人店偷師學斬料，到正式埋砧板才知難，他笑說︰「開頭真係好慘，做到頂唔順走返去揸的士，老婆惟有請師傅頂我個位。初頭睇姨丈做真係以為好易，心諗佢攞啲貨返嚟斬都咁多客，實無問題啦。」事與願違舊客見換了老闆便調頭走，吳先生無奈說︰「直情30蚊嘅機會（幫襯）都唔畀我，一路做到無晒意氣，瞓唔到又喊，嗰時先知真係咁難。」好在吳先生有一位賢內助堅持及撐下去，兩夫妻努力下成功殺出血路，有了現時的光景，吳先生自豪說︰「以前姨丈啲客到而家只佔二成左右，其餘都係自己儲返嚟嘅新客。」

該店的燒腩仔及叉燒同樣出色。

老闆吳先生直言能撐到現在，全靠身旁的賢內助。