「見到個人行出嚟，唔收繼續去，錯曬啦」。
網上流傳影片，指一名城巴司機左轉時，剛巧有男途人過馬路，但城巴未有停低並不停響咹，最後撞到途人。途人沒有受傷，但報稱不適送院，警方已將案件列作交通意外導致有人受傷處理。本網亦就事件向城巴查詢，但未有回覆。影片在網上掀起熱議，網民都幾乎一面指責車長有錯。
城巴司機左轉時，剛巧有男途人過馬路，但城巴未有停低並不停響咹，最後撞到途人。影片截圖
有網民在facebook群組「馬路的事討論區」上載影片。片段所見，該名駕駛城巴85號路線的司機沿阿公岩村道左轉入阿公岩道時，剛巧一名撐着雨傘的男途人橫過馬路，但司機未有停低，並不停響咹，男途人最後被撞到。司機隨即以粗口責罵途人，男途人反駁「人企喺度你就要停，我行咗先就佔住路面」，但司機反問對方「唔可以轉過嚟呀？」雙方互罵一輪後報警。
警方接受查詢時表示，涉案陳姓司機（42歲）駕駛城巴85號路線沿阿公岩村道南行，左轉入阿公岩道時，57歲姓潘男途人正橫過馬路，城巴輕碰到潘男的雨傘。男事主並無受傷，但報稱頭暈，送往東區醫院治理。
大批網民都直斥司機態度有問題。有人認為，「個行人係無留意路面，但行人過路處嚟， 我唔明個司機砵乜野囉」、「巴士佬你唔係覺得自己啱呀」、「完全無減速意欲，衰多幾成」。