Hera對自己的表現非常非常滿意！
今屆港姐結果出爐，大熱的陳曉華（Hera）順利奪得冠軍，她最滿意自己入圍五強時的感言，因為她認為決賽日（26日）真的是自己出生23年來表現得最好的一日，「我以前一直都係個好無自信，同埋會成日都質疑自己嘅女仔。經過呢一個半月，我真係覺得自己長大咗好多。」
本網記者攝
無綫截圖
問到參選過程最辛苦的部分，Hera笑指最辛苦的是要在一個星期內學四隻舞，「因為我自己本身真係唔識跳舞、0基礎，咁跳舞對我嚟講真係好難，同埋我有小小手腳唔協調，但都已經克服咗，咁就係兩三日之內，個個佳麗互相扶持下克服咗。我覺得呢個係最難忘亦係最辛苦嘅一個難關。」
本網記者攝
無綫截圖
至於將來的計劃，Hera直言最希望成為一個演員，因為之前有做開模特兒的工作，又有接觸過幕前的工作，加上自己很想挑戰不同的角色。
無綫截圖
無綫截圖
得到很多家人到場支持，得到冠軍的Hera最想和父母食餐好，「因為我呢個半月都無乜見過Daddy、Mummy，我返到去佢地已經瞓咗覺，同埋其實佢地比我更加緊張，因為佢地知我心情好緊張，亦都唔敢打擾我，或者係同傾太多計，都係默默咁支持我，所以我真係好感激佢地！」
本網記者攝
