與馬浚偉互相信任 顧美華獻出「第一次」

美華話首次做舞台劇怕失禮。

現年66歲的顧美華為馬浚偉身兼編、導、演、監四職的舞台劇《生前約死後》演出，劇中二人演母子。淡出影壇多年，又快到70歲，無論體力還是腦力均大不如前，但美華姐竟然肯為馬仔接受挑戰，奉獻人生第一次演舞台劇，全因和馬仔互相信任，且感同身受，同樣受抑鬱症困擾，千辛萬苦才能走出失去至親的傷疤，「之前我唔敢講心裏面嘅痛，馬仔係第一個令我敢講嘅人，我哋好交心，係緣份。」

美華姐和馬仔對晒嘴形，兩人已成交心好朋友。

將於明年1月5日至1月20日公映的《生前約死後》是改編自馬浚偉與母親的親身經歷。美華姐是好戲之人，卻坦承第一次做舞台劇有好大壓力，「點解難唔到我呀？我又未做過，連公認係好演技嘅劉嘉玲都話壓力好大啦，我驚我會唔記得台詞，呢個年紀記性愈嚟愈差，我怕會失禮馬仔，其實佢應該驚過我呀，唔好講，好驚！但冇後悔，都想挑戰吓自己。」

顧美華靠宗教及女兒、孫兒走出黑暗，因為生活總要繼續的。

《生前約死後》去到圍讀階段，美華姐愈來愈驚，最怕失禮馬仔。

問到馬仔如何打動她接劇？美華姐說：「佢好乖仔，我同佢好傾得埋，有次茶敍馬浚偉講起已故媽媽嘅故事，觸及我對至親生離死別嘅傷痛，我哋對望嚎哭。」

馬仔話已故媽媽似顧美華，所以二話不說搵她做兩母子。

2009年，美華姐妹妹輕生，其父母又相繼離開，年半間分別失去三位親人，「我抑鬱又驚恐周身唔妥，血壓好高跌唔返，睇過心理及精神科醫生都幫唔到手，嗰幾年生活喺黑暗之中，唔鍾意見朋友，到夜晚一定要返屋企，好驚留喺街，返到屋企要關手機，最怕半夜電話響起會聽到唔好消息，心情、身體狀態差到無法再接戲。其實，當時我有同好多朋友傾訴，但都係叫我『睇開啲啦，唔好咁執着，要放下』冇相同經歷嘅人只係雞同鴨講，聽完反而更孤單，醫生最多提供舒緩藥物。不過，同馬仔傾就真係到point，佢仲覺得我似佢媽媽O添。當日我睇完劇本話好鍾意，佢就即時預咗我做。」

當年32歲的顧美華離婚後為生計而加入影壇，首部作品和斯琴高娃合拍《似水流年》，並獲得香港電影金像獎最佳新演員獎。

當年和黃耀明拍《浮世戀曲》有大膽激情戲。

馬浚偉希望透過運動建立對外交流網絡，為歌手們開創新機遇。

《新城體育會》昨日（4月17日）舉辦了第二次羽毛球活動，除了繼續由新城廣播有限公司首席營運總監馬浚偉帶領「新城羽毛球隊」出一身汗外，今次邀請到兩位樂壇新力軍鄺星宇（Alex）和黃曦桃(TAOTAO/桃桃) 加入，二人直言不打不相識，原來他們都曾在美國洛杉機留學讀音樂，還差點成為校友，更交流了對音樂的喜好。馬浚偉坦言，這正是成立體育會背後的深層意義，透過運動建立對外交流網絡，為歌手們開創新機遇。

馬浚偉與歌手鄺星宇、黃曦桃及新城員工打羽毛球。

今次羽毛球活動同樣是打足2小時，「新城羽毛球隊」出席的成員來自新城廣播多個部門，包括製作部、工程部、節目製作導演等，項目總監葉碧梅(Moon)更帶同兒子Arthur來打成一遍，原來其18歲兒子自小愛好打羽毛球，是校隊精英，打波逾十年屬已達教練級水平，他更獲「新城廣播」首席營運總監馬浚偉邀請擔任球隊榮譽教練，球技相當了得。

（左）鄺星宇、（右）黃曦桃

碰巧今次參與的兩位新晉歌手鄺星宇和黃曦桃均屬「BB班」水平，馬浚偉和Arthur落場隨即化身臨時教練，耐心地指導，由開波到走位、步法，都逐一提點，馬浚偉表示：「其實打羽毛球係要學㗎！雖然有人真係打天才波可以成功，但真正去打羽毛球係要不斷練習，累積經驗！」

馬浚偉並透露下個月的新城音統會業界交流會，除邀請各大唱片公司及業界代表，更會廣邀獨立製作人、經理人、小型唱片公司、獨立創作音樂人等，馬生直言：「只要歌曲有水準，無論是新人，還是獨立創作人，都無任歡迎！」

馬生為新晉歌手創生機。

黃曦桃：做運動令人好開心，識到更多人
黃曦桃（桃桃）與經理人Kawaii齊齊出席，桃桃表示入行才兩年，走唱創歌手路線，曾於美國讀音樂的她深受外國音樂影響，對不同種類的音樂元素和風格，她都樂於嘗試。身高171cm高䠷身形的她笑言不但是樂壇新人，亦是羽毛球初哥，希望未來能參與更多《新城體育會》的運動和活動。

鄺星宇：個活動好正，畀我有更多合作機會
鄺星宇坦言自己其實已入行5年，但由於出道時2019年碰上疫情大爆發，令歌手生涯停滯了近3年，影響曝光率，令外界對他認識不多。今次參與《新城體育會》的運動，不但讓他有機會認識羽毛球的真正規則及打法，最重要是有機會讓他對外有更多交流，「呢個活動好正，令我可以認識唔同歌手、公司同DJ。」

鄺星宇表示今次參與《新城體育會》的運動，讓他對外有更多交流。

黃曦桃與經理人Kawaii齊齊出席。