有疑問向銀行查詢最穩陣
相信唔少人都試過流動支付，例如Apple Pay、Android pay、轉數快等。有網民Facebook群組「PLAY HARD 玩硬」發文，指在一間香港數碼產品零售店，以Android pay買iPhone，恒生傳送手機訊息指過數成功，不過該店卻表示卡機無記錄，且要求碌多次，店員並說「放心，如果check到過咗你兩次數，我地會安排退款！」，而樓主拒絕說，「傻的嗎？我信我個短信都唔信你啦！」。
網上圖片
樓主即時打往恒生查證，同時開啟擴音予店員收聽，唯店員堅持銀行無過數，繼續游説樓主再碌一次卡。樓主拒絕，最後報警處理，經警員調解後，該公司答應警方用公司蓋章寫明：「如果佢地公司日後收到數會取消此張單和安排退款」。樓主表示，「疑似坐Office嘅人嚟咗，但態度惡劣，仲話可以出封信比我哋，但唔會有公司蓋章。」對此，樓主表明：「我真係火都嚟，即刻鏟到佢飛起！個頭話出封公司信証明，轉頭又話冇公司章。」
樓主其後續指，「用超高分貝再鏟佢，同佢講我大把時間同你玩，你繼續慢慢玩」，該店「最後先死死哋氣同我Say sorry，跟著解釋咁咁咁(真係人善人欺)。諗著佢今次會認真寫張有公司章嘅證明了事」，豈料該公司又聲稱已向銀行申請緊急取消交易，樓主再致電恒生查證，銀行表示無可能即時取消已授權的付款。「如果對方銀行冇記錄又點可以取消到條數」，樓主直指該店自圓其說功力是「神一般境界」。
不少網民都認為「有古惑」，不過亦有網民指出，「香港老字號金行，大型個人用品公司都發生過呢個情況，以上兩間公司都有上市，唔通佢地又係呃人咩？」