不滿快餐店走飲管 大叔辱罵女店員「死豬兜」

禮貌，只有人會懂喔！

近年不少餐廳為響應環保都會舉行無飲管日，不少快餐店紛紛推出「走飲管」活動，不再會主動向客人提供飲管。有網民今日於facebook群組「西客之道」投稿指，某日在麥當勞看到一位大叔因無飲管，不斷以粗口大罵女職員，斥「問得你就要架啦死豬兜。」又形容職員被大罵「谷到塊面紅曬」，其後經理出來給他飲管，他再要求要膠袋，經理將汽水放入膠袋後，大叔便停止指罵。

由去年12月24日起，全線香港麥當勞餐廳推行「麥麥走飲管」行動。 資料圖片

一名網民今日於facebook群組「西客之道」投稿指，某日在麥當勞用餐時，看到一位大叔因無飲管而不斷以粗口大罵女職員，樓主稱女職員疑似中學生兼職，被大叔大罵時更「谷到塊面紅曬，就喊就喊咁」。大叔斥：「X問得你就要架啦死豬兜，冇X啦啦話環保唔比，點X飲啊？」網民稱大叔飲的是中汽水，不是特飲，女職員一直沒有說話。

大叔不滿快餐店走飲管 。

網民稱經理出來時：「已經好醒目咁拎住飲管出黎取餐區給他」。但大叔再要求要膠袋，經理將汽水放入膠袋後，大叔便停止指罵。事後經理問女職員，並叫她到洗手間休息。樓主最後指自己都不是十分環保：「走飲管又唔會死，問又會比，做乜要鬧職員？政策又唔係佢地決定嘅，咁想要番飲管咪聯署叫老麥跟餐比返囉」。

美國也有客人為一根飲管與女店員爆發肢體衝突。網上圖片

事件引起網民熱議，有網民指阿叔無禮貌，留言說：「有禮貌問唔得嘅咩」、「見到好多人，現在有咩都係鬧咗先」。更有網民不解為何一定要用飲管：「點解啲人普通一杯野飲都要飲筒，其實真係好唔環保，最重要杯野又無珍珠要啜，用口飲啦！」、「啲人冇飲管就變咗唔識飲野」。

資料圖片

亦有不少網民認為是該女職員留難阿叔，更表示曾遇過不少職員被問拿飲管時會黑面對待。更有網民表示，問題根本就是走飲管活動：「環保走飲管真係好不知所謂，杯蓋膠袋點解唔走埋？」、「老麥走飲管之餘仲要加價，我點都叫佢比支飲管我！」

興趣班並非小朋友專利！滿大街琳瑯滿目的興趣班，可能總有一班係為你而留！近日有網友就仔細研究工聯會的興趣班目錄，爆笑稱「睇完成個課程目錄，好似去咗趟奇幻之旅咁！」

網上圖片

有網友近日瀏覽工聯會課程目錄，發現竟然有「第七感研習班」，課程簡介聲稱技術由蘇聯耗資過億元研發，目的是「運用結構和意志力在任何想要知的資訊區域自由游走」，更指「身在蘇聯境內也可以遙視美國軍機的內部情況」。

網上圖片

這個索價530元、共五課的超能力班很快掀起網民熱議：「真心想知有咩人會讀？」、「人係香港，學完仲要特登去蘇聯試吓work唔work」、「要唔要着套黄金聖衣上堂？」。還有疑似舊生現身說法，分享十年前上過類似課程嘅奇幻經歷。

示意圖片

該位網民憶述當年導師「男人大叔衣著都寒酸」，課堂上教「用精神力估牌」，又指去賭場「只能用幾次要走」。

網上圖片

隨住第七感班爆紅，網民又挖出工聯會更多經典奇班，其中「懷才不遇自救法」索價150元，3小時的課程，聲稱教「如何去發展自己的才能、如何去 創造機會」以及「找到被人賞識的方法」。網民戲稱報讀「自救」課程「先收個150」，「工聯會真係可以 話係濟世為懷」。

以上除了兩大奇班，網民指工聯會過往還開辦過「六合彩致富」和「氣質形體儀態班」，不少網友直言工聯會課程種類廣泛到 「真係好多奇怪怪嘅班」、「睇完成個課程目錄好似去咗趟奇幻之旅咁！