Adam表示原來無用身體語言去做一個角色是非常困難的！
36歲的栢天男（Adam）於去年出道，憑着酷似金城武的型仔外表，在電影《L風暴》中演奸角上位，更獲提名角逐今屆香港電影金像獎「最佳新演員」。面對一眾強敵，Adam坦言贏面不大，不過，對於演出獲肯定覺得好開心，對首次聲演動畫《女皇哥基大冒險》更非常興奮。
點擊看圖輯
更多相片
栢天男獲提名新演員獎後信心大增。
《L風暴》中Adam和嘉穎對打時，嘉穎不慎被他打中鼻。
栢天男在《女皇哥基大冒險》中聲演狗大佬狗尼爾遜。
栢天男因為廣東話不太好，所以為動畫配音都好大壓力。
拍《L風暴》時，譚耀文教曉栢天男好多嘢。
栢天男亦有份演出新片《P風暴》。
栢天男獲提名新演員獎後信心大增。
《L風暴》中Adam和嘉穎對打時，嘉穎不慎被他打中鼻。
出道一年，栢天男拍過四部電影及一套網劇，在首部聲演動畫《女皇哥基大冒險》中做正直狗大佬，成日鬧一班手下。初試啼聲，他大開眼界：「動作戲就做得多，原來只係聲演，冇身體語言去做一個角色係有困難嘅，如畫面要閃避時，因為我投入咗角色，配音時真係跟住動作去閃，聲音自然唔同咗，要導演從旁提示。最難搞反而係要保持住做狗大佬狗嘅霸氣，角色同真人完全係兩回事，我個人好soft，唔會有火氣，何得何能鬧人呀？我細個俾人鬧就多！最初用溫柔語調交唔到貨，不過導演好好，冇畀壓力我，反而建議我做多幾次，搵到咁嘅tone就keep住。」
栢天男在《女皇哥基大冒險》中聲演狗大佬狗尼爾遜。
栢天男因為廣東話不太好，所以為動畫配音都好大壓力。
對於提名角逐「最佳新演員」，Adam覺得係一個肯定，就算冇獎都當贏：「你問我，我梗係好想攞新演員獎啦，獲提名經已緊張又興奮，好幾晚開心到瞓唔着，仲睇埋對手背景資料，好多都好有電視劇、舞台劇經驗，雖然有啲年紀比我細，但都係我前輩。坦白講，得獎信心真係唔大，佢哋咁有經驗，演出掌握得好好。我只係演到皮毛，不過，做奸角真係好好玩，超乎想像力好新鮮。」
拍《L風暴》時，譚耀文教曉栢天男好多嘢。
栢天男亦有份演出新片《P風暴》。
