Skip to Content Facebook Feature Image

【金像獎】黃秋生憑《淪落人》 三度奪金像影帝

娛圈事

【金像獎】黃秋生憑《淪落人》 三度奪金像影帝
娛圈事

娛圈事

【金像獎】黃秋生憑《淪落人》 三度奪金像影帝

2019年04月14日 22:20 最後更新:23:08

再做影帝!

黃秋生憑《淪落人》,第3度奪金像影帝。電視截圖

黃秋生憑《淪落人》,第3度奪金像影帝。電視截圖

黃秋生憑《淪落人》,第3度奪金像影帝,由古天樂頒發獎項。

電視截圖

電視截圖

秋生上台感言時笑謂,自新一代電影大亨手上拎獎,並謂早知古仔由秦朝回來,就找對方代領,「靚仔啲...」,古仔隨即按著他說:「得啦!得啦!」秋生續說:「我只係想講掌聲再多啲啫!」

電視截圖

電視截圖

秋生謙稱演技不是太好,感謝導演陳小娟忍耐當他是小朋友氹他。更多謝老闆楊受成的經濟支持才令他能不收片酬拍這部戲,笑言大家別學他,因不是人人都有楊受成這位老闆。他又多謝太太忍耐老公長期失蹤,最後感謝媽媽在生命最後階段教導他生命短暫要過得開心。

秋生感謝女演員Crisel Consunji一同演出。電視截圖

秋生感謝女演員Crisel Consunji一同演出。電視截圖

往下看更多文章

黃秋生伙拍蘇玉華《不赦之罪》開鏡 George@P1X3L首登大銀幕演釋囚

2024年03月14日 13:00 最後更新:13:12

George在《不赦之罪》飾演少年強姦犯,為演好角色,他換上一頭清爽短髮造型,卻被指似卡通人物monchhichi。

香港電影工作者總會推出的首季「總會拍電影」計劃,當中的第二部獲選作品《不赦之罪》,日前正式開鏡 。監製廖婉虹、導演林善、導演暨編劇譚善揚、黃秋生、蘇玉華、歐鎮灝(George@P1X3L)、陳紫萱及陳書昕五位主要演員都有出席開鏡儀式,電影圍繞三位人物,包括由秋生飾演的牧師,蘇玉華飾演的受害者母親,以及由George所演的少年強姦犯,幾位演員都讚賞劇本出色,不過笑言最初對林善及譚善揚首執導演筒非常擔心,幸而身為影帝的秋生,即場認可他們的表現。

《不赦之罪》日前正式開鏡。

《不赦之罪》日前正式開鏡。

(左起)陳紫萱、歐鎮灝、蘇玉華、黃秋生、陳書昕

(左起)陳紫萱、歐鎮灝、蘇玉華、黃秋生、陳書昕

秋生笑指大家擔心兩位新導演,全因被兩位青澀外表嚇怕,更即場派定心丸:「我又唔覺得佢哋好新,唔係咩都唔識咁,大家都溝通得非常好,又聰明又聽人講又可以消化得到好多意見,即係我唔駛好擔心所有嘢,係比想像中更好同順利。」蘇玉華就指開拍前曾跟兩位導演見面,印象深刻, 很難想像劇本竟然出自眼前兩位年青人:「今次的確係一個好好嘅劇本,呢兩個年青人好尊重我哋兩個老人家,佢哋真係每一場戲都會埋嚟同你傾,問呢場戲我會點樣處理,點樣演,我覺得係一個好真誠嘅合作。另外我覺得好慶幸,我同秋生一齊演啦,因為我哋好有默契,本身都係熟絡同一齊合作過。」

黃秋生、蘇玉華

黃秋生、蘇玉華

譚善揚、蘇玉華、林善

譚善揚、蘇玉華、林善

兩位新導演亦都感謝秋生和蘇玉華前輩參與,譚善揚更指落筆寫劇本時,已經想住秋生飾演牧師角色,多得監製安排,最後夢想成真由影帝出演:「成件事好奇妙,而秋生佢上年都有完整睇晒成本聖經,佢有好多研究,我哋每日拍攝時候都會有很多討論,研究角色會有點樣嘅諗法。」至於林善對於自己剛從演藝學院畢業,就獲得執導長片機會,非常感恩並說:「我覺得『總會拍電影』計劃,對我嚟講最大嘅意義就係畀我一個本身讀電影學院,想拍電影想做導演嘅人一個實踐嘅機會,即係唔只係睇書或者睇電影裡面去學習咩叫做拍電影。」

譚善揚、林善

譚善揚、林善

三位影壇後輩包括George、陳紫萱及陳書昕亦榮幸能夠跟秋生和蘇玉華同場演出,今次更是George首登大銀幕,面對前輩當然緊張:「我呢半年係有睇好多唔同嘅電影,吸收點樣做,諗住喺實踐嘅時候就發覺,咦,唔係噃,因為秋生哥有嘗試去幫我撇甩自己演出嘅框架,令到我每一晚返去,都諗返演出嘅每一場戲,個人好似對做戲通透咗。」紫萱曾經上過秋生的演技大師班,很開心再跟影帝碰面:「圍讀劇本時候再見到佢,其實並冇想像中咁惡,秋生哥都好調皮。」陳書昕亦珍惜今次與蘇玉華合演母女機會:「蘇老師真係好親切好nice,令到我更加容易入戲,對住佢就好自然有媽媽嘅感覺。」

陳書昕、陳紫萱、歐鎮灝

陳書昕、陳紫萱、歐鎮灝

陳紫萱

陳紫萱

為演好戲中釋囚角色,George換上一頭清爽短髮造型,更被指似卡通人物monchhichi,另外George又指將會與陳書昕有一場大膽戲,非常考驗演技,書昕指George為投入角色,即使在片場主動與對方溝通都被拒絕, George連忙澄清:「我個人比較屬於感受型(演員),所以我要好實在去feel角色的想法,就好多時會抦埋一二邊去諗嘢同埋去思考。」

歐鎮灝

歐鎮灝

《不赦之罪》是總會從40多份劇本中獲選中開拍,總會表示大部份首季「總會拍電影」的參賽劇本都以警匪或黑社會為主題,而《不》就與別不同,電影非簡單一部商業片,故事聚焦疫情之後,學生重新面對社會時,所遇到的個人或者群體問題,戲中探討當中產生的衝突,引發觀眾思考。「總會拍電影」計劃理念,旨在團結業內人士,更重要是為香港影圈提供更多不同類型劇本,從而發掘新題材,令香港電影更多元化。「總會拍電影」第二季收到超過 70個劇本申請,預計結果4月出爐。

你 或 有 興 趣 的 文 章