幸苦了！
姚子羚在TVB劇《同盟》中身穿緊身裙，大騷美好身材，加上小試牛刀露兩手打得幾好，令人刮目相看，在拍攝中的新劇《唐人街》中就再下一城，處女下海做打女，打得之餘還精通兵器峨嵋刺，再結合武術同舞蹈，加上斜膊露腰又高釵的戲服，將她優美身段表露無遺。
點擊看圖輯
資料圖片
穿上性感泰國女子服裝，拎住峨嵋刺嘅子羚好有台形，絕對係最索打女。
埋位前，子羚係咁踢腳試位。
子羚擘髀加踢腿，勁度十足，打得好睇。
着住高踭鞋係咁踢，難怪子羚踢到抽筋，展鵬即幫手鬆筋。
為配合打到飛起動作，子羚不斷被「撻生魚」。
撻到好睇為止。
子羚雙手打到又紅又腫，腳背又被陳展鵬踩到瘀晒。
子羚雙手打到又紅又腫，腳背又被陳展鵬踩到瘀晒。
伍允龍經常提醒子羚拍打戲要注意嘅地方。
劇中精通八卦掌的唐詩詠要推倒竹枝但唔小心整親手。
相比王君馨及姚子羚，詩詠打得唔算多：「我第一次拍打戲咋，都幾興奮，但要努力啦。我覺得人生點都要試吓拍動作戲，老實講係唔好玩，只係有型，記對白好過記招式，打就留返俾伍允龍。」
資料圖片
38歲姚子羚睇得又打得，但由於她不是力量形的演員，所以監製文偉鴻（Jazz）特意安排她大耍靈巧多變的峨嵋刺，以柔制剛。日前，子羚拍一場勇救爸爸的戲份，穿上泰國女子性感戲服的她出盡力瘋狂飛踢加連環撻，修長美腿不斷在空中「發吓發吓」，難怪她話踢到抽筋。
穿上性感泰國女子服裝，拎住峨嵋刺嘅子羚好有台形，絕對係最索打女。
現場所見，雖然子羚首次以打女身份拍打戲，但身手敏捷，手腳協調，靈巧地閃動峨嵋刺，加埋擘髀踢腿、側踢腿、外擺腿、內擺腿、後撩腿乜都有，有板有眼，勁度十足。不過，由於太用力，搞到腳趾抽筋，要展鵬扶她坐低，再幫她拉筋。
埋位前，子羚係咁踢腳試位。
子羚擘髀加踢腿，勁度十足，打得好睇。
着住高踭鞋係咁踢，難怪子羚踢到抽筋，展鵬即幫手鬆筋。
休息了一會兒，子羚又要被兩個武師凌空拋高，撻生魚咁撻落「塌塌米」來配合動作畫面，子羚坦言拍得幾辛苦：「打到滿身傷痕，用遮瘕膏局部遮都搞唔掂，最誇張要用噴槍將遮瘕膏噴晒成隻手。」
為配合打到飛起動作，子羚不斷被「撻生魚」。
撻到好睇為止。
雖然打到周身傷，但子羚話角色好有挑戰性，「可突破平日柔弱角色嘅框框，好彩大家都好照顧我，伍允龍有提我注意嘅地方，又同我搽藥酒散瘀。同埋着呢套衫要露腰、露手臂，唔可以亂食嘢，要Keep fit保持最好狀態。」
子羚雙手打到又紅又腫，腳背又被陳展鵬踩到瘀晒。
子羚雙手打到又紅又腫，腳背又被陳展鵬踩到瘀晒。
子羚每次打完都會緊張睇playback，「今次有好大量打戲，比《同盟》打得仲多，冇舞蹈同功夫底係吃力啲，其中有場戲係講展鵬救我，跳入鏡幫我擋，點知佢一跳入鏡就踩住我腳背，嘩，佢個死嘢踩瘀咗我，我着住對高踭鞋，被踩嗰吓真係食到正，腳背即時腫起，連佢都忍唔住笑住話：『今次真係踩住人上位喇！』」不過，展鵬都好緊張成日打嚟問我有冇事呀？唯有罰佢下次請我食素。」
伍允龍經常提醒子羚拍打戲要注意嘅地方。
劇中精通八卦掌的唐詩詠要推倒竹枝但唔小心整親手。
相比王君馨及姚子羚，詩詠打得唔算多：「我第一次拍打戲咋，都幾興奮，但要努力啦。我覺得人生點都要試吓拍動作戲，老實講係唔好玩，只係有型，記對白好過記招式，打就留返俾伍允龍。」
