早前李澤楷的富衛保險集團（FWD） 向長實承租了尖沙嘴的前水警總部，亦是香港旅遊購物地標「1881」內的古蹟酒店，並易名為「1881公館」。
昨日(5月8日)1881公館正式開幕，自從李嘉誠宣佈退任長和主席後，李澤鉅、李澤楷兩兄弟開始多了同時出席活動，早前慈山寺博物館開幕，便見兩兄弟和李超人一同出席。
今次同場還有行政長官林鄭月娥，及富衛集團董事會主席夏佳理，夏佳理曾經是林鄭選特首時的競選辦公室主席，林鄭當選後，夏佳理並沒有擔任公職，今次兩者能夠同場出現，亦是非常難得！
四人罕有合照。
四位重量級人馬合照，企位亦是相當講究，李澤楷及夏佳理作為富衛的主理人，在林鄭兩旁相伴而立，而李澤鉅則作為場地的大業主及長實主席，站在夏佳理的旁邊。在開幕禮過程中，只見李澤鉅和李澤楷的交流較少。
1881公館前身為長實旗下的海利公館 （1881 Heritage），是有120年歴史的前水警總部，長實為其古蹟活化，重新發展兼有業權，打造成尖沙咀的著名地標，擁有國際品牌名店、時尚食府、古蹟酒店及古蹟展覽館。於2017年結束酒店及餐廳營運，今年初獲富衛接手，富衛將於公館內設立客戶服務中心，加強對客戶及市民的服務，看來是要配合其在大灣區內發展保險業務，作出部署。
Sebastian
** 博客文章文責自負,不代表本公司立場 **
港鐵董事局宣布，委任楊美珍做新任行政總裁，任期三年，2026 年 1 月 1 號正式上崗！楊美珍女士仲會成為港鐵自 1975 年成立以嚟首位女性行政總裁。
楊美珍(英文名Jeny)可以說同港鐵一起經歷快速成長期，佢喺 1999 年加入公司，第一份崗位係做總經理，專責市務及車站商務，2011年晉升至商務總監，開啟了港鐵車站商務圈翻天覆地的變化，佢帶領團隊大力拓展車站商務同廣告業務，好似翻新車站擴大商業面積，引入唔同類型嘅品牌，2002 年金鐘站率先開業嘅星巴克咖啡店，就係佢推動嘅成果之一，後續仲有快餐、涼茶、甜品舖等一眾品牌陸續進駐。到 2024 年，港鐵車站商店數量由 2000 年嘅少於 400 間，一路飆升到 1579 間。
楊美珍1999年加入港鐵服務。
Jeny亦推動車站廣告數碼轉型，從傳統海報形式，逐步發展到融合互動元素嘅數碼廣告，大大提升廣告投放率。而家港鐵網絡有超過 42,000 個廣告點，成為全港最大規模又多元化嘅戶外數碼媒體平台。車站商店租賃同廣告收入，亦都由 2000 年嘅逾 9 億港元，增長到過去十年平均每年約 50 億港元，呢啲亮眼成績，都離唔開Jeny帶領團隊嘅努力。
楊美珍(左一)致力推動車站商用設施拓展及變革。
2021 年，楊美珍女士出任香港客運服務總監，到 2023 年再晉升為常務總監 – 香港客運服務。呢段期間，佢帶住團隊專心提升乘客體驗，積極推動鐵路服務數碼化。好似引入多種電子支付方式，以後搭港鐵唔使再怕無散紙；仲推出 MTR mobile 手機應用程式，而且不斷優化功能，查車次、睇時刻表，手指篤篤就得，方便好多。
楊美珍把握科技變改，推動鐵路服務數碼化。
除咗商務同客運服務，楊美珍女士喺跨境服務領域亦有唔少經驗。2018 年高鐵開通，佢主責票務、顧客服務同車站商務規劃，仲引入免稅商店，畀乘客搭高鐵都可以掃貨！疫情過後高鐵復通，站點由初期 61 個增加到依家超過 90 個，推出夕發朝至動臥列車、「靈活行」票務安排等新服務，大大方便咗兩地乘客跨境出行。另外，佢仲推動翻新羅湖站、擴闊落馬洲站出入口，仲推出「八達通 - 全國通卡」，連通內地超過 330 個城市嘅公共交通，往返兩地嘅乘客相信都覺得方便好多。
楊美珍重視顧客體驗便利出行，親自去前線做乘客調查。
喺加入港鐵之前，Jeny喺渣打銀行（香港）有限公司同埋花旗銀行累積咗豐富嘅市務同業務發展經驗，呢啲經歷都為佢喺港鐵嘅工作打下堅實基礎。服務港鐵期間，佢仲兼任八達通控股有限公司及其兩間成員公司嘅非執行主席，之前亦擔任過昂坪 360 有限公司主席，可以說非常熟悉港鐵不同範疇的業務和服務。
楊美珍(中)在不同崗位上，為港鐵積極推動關愛社會和環保等範疇作出努力。
港鐵未來發展當然面對不少挑戰，睇番Jeny過往的工作中，很注重創新，不同範疇開拓了港鐵唔少新猷，相信呢個亦係香港最需要的元素----創新前行。
楊美珍與現任CEO金澤培(右)
