救護員慨嘆連飯都無時間食
救護員人手不足、「飯鐘」時間愈來愈短問題遲遲未解決，令前線構壓力爆煲。有救護員在討論區發帖吐苦水，稱薪酬與其他紀律部隊一樣，但工作性質危險、工作量大，「每日忍住屎尿去做case，每日超時工作」，而且「飯都無得食」；曾希望部門改善，卻換來上頭一句「你食唔到飯人工包架」。樓主感心灰意冷，慨嘆並非要吹噓自己好偉大，「但點解我咃要咁低賤，每日肩負起全港救急扶危嘅人，但換來係咁既待遇？」
有救護員在討論區談辛酸事，形容救護工作性質危險、工作量大，但待遇差。《跳躍生命線》劇照
該救護員日前在連登討論區發帖，題為「點解仲要堅持做救護員？」提到救護工作性質危險性高，有時要處理精神病人個案時，要冒「隨時畀人斬」風險，又經常接觸傳染性高病人，甚至面對各種「噁心核突嘢」。樓主舉例：有人幾年沒有沖涼、全身糞便、「爆頭」及分屍等。
此外，救護員工作壓力大，「一個錯誤決定隨時害死人」；每日工作量亦很大，「一個兩千幾人嘅職系，每年處理超過80萬轉救護服務」，而且晚上會少一半人手。據消防處統計，去年救護召喚總數達80.4萬宗，比前年增2.3%，而人手僅3100多人。
樓主嘆處理個案時要面對各種「噁心核突嘢」。資料圖片
樓主嘆道，每日面對超時工作外，還要「忍住屎尿去做case」，每轉車司機要集中精神駕駛救護車，亦要背負全車人安全，「負上一切法律責任去趕往現場，將性命危殆的人送院搶救」。他續說，救護車上有3名救護員，「一齊拾人，一齊搶救傷病者，做轉攀山拯救隨時行3、4個鐘需要好大能量」，但「可惜我哋連飯都無得食」，飯鐘問題討論了幾十年仍未解決，每天幾乎要餓住工作，「7點半返工，餓住肚到4 、5點先有得食」。
他表示，曾向上司反映，希望部門能改善問題，卻換來一句「救人重要定食飯重要？你食唔到飯人工包架！咁大個人自己帶包餅傍身啦」。樓主坦言，並非認為自己很偉大，「但點解我哋要咁低賤？每日肩負起全港救急扶危嘅人，但換來係咁既待遇？」直言「夠啦！我好攰」。
不少網民見都留言為樓主打氣，表示雖然不知如何幫助他們，「但想講句加油，辛苦哂」，亦覺得他們很偉大、「真心覺得最辛苦嘅紀律部隊係你哋」，並認為他們好值得尊敬，「用自己嘅健康去服務大眾」，希望部門可以盡快改善問題。另有網民鼓勵，「當你真係幫到有需要既人，嗰種心靈滿足感係其他工種畀唔到」。
