Alfred同欣宜太熟啦！
鄭欣宜與許廷鏗（Alfred）出席動畫《樣衰衰奇兵》首映，Alfred指欣宜聲演的布公仔「MO姐」少了一隻門牙，所以配音時要就住；他又話曾問過有爆牙的欣宜會否箍牙，但欣宜反而覺得是特色，故不作考慮。欣宜亦謂網上有人私訊留言贊助她箍牙，但也婉拒。
許廷鏗似在倒自己米，身為牙醫幫欣宜洗牙會忍不到笑。
Alfred曾免費為欣宜洗牙，問兩人太熟絡會否尷尬？欣宜說張大個口不是問題，但Alfred不停與她說話；Alfred則指欣宜一口張開，他忍不到笑好難搞。
Alfred免費幫欣宜洗牙即爆笑。
欣宜、Alfred
現場安排兩人切蛋糕，司儀搞笑稱他們為一對新人，Alfred稱多年來想與欣宜合作，好彩今次不是演情侶角色，笑言沒有人相信，若演情侶角色會好尷尬，親熱戲更加接受不到。欣宜表示曾有舞台劇接洽過，但因時間配合，她說人要接受挑戰，不介意與Alfred合作，他們認為適合演鬥氣冤家角色。問到可否接受拍咀戲？欣宜笑謂咀戲可以借位拍攝，始終兩人太熟會有尷尬；Alfred也說對住欣宜會忍不到笑。
許廷鏗似在倒自己米，身為牙醫幫欣宜洗牙會忍不到笑。
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
