MIRROR轉行酒店清潔員 大爆姜濤污糟無手尾

互爆私隱

自ViuTV節目《MIRROR GO》播出以來，MIRROR成員深受觀眾歡迎。最新一集《MIRROR GO》中，成員江熚生（Anson Kong）和柳應廷（Jer）擔任酒店特派員，挑戰30分鐘內完成執房任務。期間2人大爆姜濤、Anson Lo和Edan污糟、無手尾，最愛食完周圍揼，所到之處全部淪陷。

2人邊拾邊大爆各成員污糟。

今集Anson Kong及Jer要面對製作組精心炮製了一間混亂狀態有如打完仗的「練功房」，包括貼了字母氣球而在玻璃窗留下的膠紙漬和點完心型蠟燭而在地墊留下的蠟漬等，連身為清潔公司太子爺的Anson Kong都不禁投降。

Anson Kong(左)及Jer(右)擔任酒店特派員。

Anson Kong和Jer一邊收拾一邊大爆Edan「去到邊，個廁所都會淪陷」，是MIRROR的髒亂之王。看到地上充滿少女情懷的心心祭壇，Jer開玩笑指「呢壇野肯定係Anson Lo」，平時喜歡擺心心甫士的姜濤都一定有份擺壇。隨後見到床上滿是零食，Anson Kong忍不住爆姜濤經常將零食垃圾「周圍擺」。

Anson Kong(左)及Jer(右)擔任酒店特派員。

Anson Kong(左)及Jer(右)擔任酒店特派員。

新一季《MIRROR GO》每集會有2位MIRROR成員擔任「特派員」接受不同形式的任務，而特派員的任務會被剪輯成3條問題，讓其餘成員玩遊戲、用搶豆袋的方法選答案、連錯3題者便會成為「燈神」接受懲罰。

Tiger成為「燈神」接受懲罰。

在最後搶答環節中，被瘋狂爆料的姜濤為了不想戴頭套做燈神，情急之下更偷步搶沙包。連在旁的Tiger都叫不禁叫姜濤︰「企返後啲先喇。你隻腳長過我咁多，驚咩呀？」最終，姜濤成功撞中正答，更大叫「Who s the best」。成為燈神的Tiger不單止化身成美少女大跳熱舞，更要以如此嬌俏的造型和粉絲一起進行問答遊戲。

12子坦誠公開自己的戀愛狀況。

現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。

MIRROR接受CNN訪問。

MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。

大爆戀愛狀況！

其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」

MIRROR亦分享了工作以外的生活。

除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」

姜濤與Anson Lo期望跟Taylor Swift合作。

在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」