比係人情，唔比係道理。
不少商場或餐廳都設有泊車優惠，只要消費滿指定金額，就可獲某個時數免費泊車。一名酒樓食客發文投訴，指炮台山一間酒樓消費滿1500元可獲兩小時免費泊車，她結帳金額為1489元，要求職員將予泊車優惠被拒，及後給1500元埋單，要求對方不用找續，爭拗兩分鐘，成功爭取兩小時免費泊車，引起討論。
食客堅持俾貼士當消費。
該名網民在Facebook專頁「中伏飲食報料區」發文，指在炮台山一間酒樓食飯，若消費滿1500元可獲兩小時免費泊車，但她埋單時金額為1489元，距離1500元要求差11元，要求對方給予兩小時泊車優惠，但被拒絕，「一家七個人食晚飯賣單$1489....商場$1500可以有兩小時免費泊車，只係要求佢比兩個鐘頭免費泊車，居然條八婆話你唔夠$1500，但係我哋比現金三張$500。」
食客堅持俾貼士當消費。
她其後表示給予1500元不用找續，11元當「貼士」，但職員表明帳單非顯示為1500元，故不能享用免費泊車優惠，要叫多一樣食品或飲品才達致要求，事主堅持不用找續，最終獲兩小時免費泊車，「咁我最後再同佢講話堅持話我唔需要你找個11蚊啦⋯⋯咁咪$1500囉⋯⋯才死死地氣施捨兩個鐘頭免費停車場俾我哋！但係之前要同佢辯論左成2分鐘！」
食客埋單差11蚊先夠數享免費泊車。
不少網民認為事主不講道理，「比係人情唔比係道理，攪咁多嘢就係為咗free一個鐘泊車，比唔起停車場錢就咪鬼揸架車出街啦」、「比得起1500，比唔起兩個鐘泊車。」亦有網民建議只需叫多一罐汽水就可以解決，「真係叫多罐汽水都得啦」、「點解你唔考慮叫多罐汽水咁咪夠囉」。
