睇吓反應點先。
39歲的前無綫體育新聞主播伍家謙（Vince），太太Betty早排以「阿太日常」之名貪玩開page，人夫見老婆幾受歡迎，就同對方合著出咗本《畀個伍我老婆》。日前下午，高佬抽空陪老婆拍拖更行銅鑼灣，親身去書店睇吓新書反應又谷吓書，總好過人夫成日留喺屋企掛住打機，激嬲太太啦！
點擊看圖輯
更多相片
Vince真係好似bear bear熊，懵懵地好可愛。
早年，Vince好開心能與發哥在電影《寒戰2》合作。
兩公婆玩手機hea吓避雨。
Vince烏低身同老婆貼頭睇手機。
高大嘅伍家謙企在愛妻身邊，老婆更顯得小鳥依人。
Vince日前現身書展新書簽名會，笑言下一本想寫《畀伍個老婆我》。
Vince真係好似bear bear熊，懵懵地好可愛。
早年，Vince好開心能與發哥在電影《寒戰2》合作。
伍家謙13年同當年任職空姐的女友Betty結婚，曾揚言要積極造人，但依家仲未有喜訊，繼續enjoy二人世界先囉！Vince兩公婆合著嘅新書近日推出嘞！點解搵圈外老婆執筆？家謙話「阿太」大學時讀中文中史，文字造詣遠比佢好。而日前佢和太太現身書展新書簽名會時笑說：「太太成日話我寫專欄醜化佢，所以我咪畀個專欄位佢寫吓囉！新書講吓同太太生活趣事，大家覺得有共鳴。」
兩公婆玩手機hea吓避雨。
Vince烏低身同老婆貼頭睇手機。
近日，關心政治的Vince不時上街遊行，都要搵時間陪愛妻嘅。日前下午，佢哋兩公婆拖手現身銅鑼灣一商場。兩人漫無目的四圍行，溫馨放閃。其間，老婆去排隊買嘢飲，人夫就行埋一邊玩手機等，其後join番諗住拖手走人。點知正值落大雨，兩夫婦又折返商場，入咗大書店打吓書釘，順便睇吓有無人買佢哋本新書囉，hea多15分鐘才離開。
高大嘅伍家謙企在愛妻身邊，老婆更顯得小鳥依人。
Vince日前現身書展新書簽名會，笑言下一本想寫《畀伍個老婆我》。
