守Dry31年終有伴 66歲盧宛茵秘戀白頭佬

2019年09月20日 10:00 最後更新：10:59

Madam Lo幾時都咁型~~ 　　　　

入行50年嘅甘草演員盧宛茵(Madam Lo)，月前喺麥花臣場館舉行棟篤笑，在台上扮鬼扮馬，精力十足。自言有子女及孫好滿足嘅佢，曾自爆離婚後，一直冇男朋友，原來近日已秘交年齡相若嘅四眼白頭佬。日前晚上，Madam Lo戴口罩拖住另一半行銅鑼灣，原來有愛情滋潤，唔怪得「無線御用媽咪」愈做愈風騷啦！

點擊看圖輯

行街拖手，SWEET。

兒孫滿堂

開SHOW寶刀未老。

獨力湊大兩子一女，唔容易。

Madam Lo月前喺旺角麥花臣開騷，當晚佢寶刀未老，載歌載舞，不斷為觀眾送上驚喜。不過開心果一講到家庭即忍唔住喊，坦言過去有一段失敗婚姻，令兩子一女在破碎家庭中成長，令佢深感歉疚，慶幸如今兒孫滿堂。

失婚多年嘅Madam Lo，獨力湊大兩子一女，兩個仔結晒婚有小朋友，唯獨33歲愛女未婚跟佢住。日前晚上7時，唔使拍劇樂得清閒嘅Madam Lo現身銅鑼灣，身邊仲驚見有一位年約70歲嘅大肚腩白頭佬拖手同行。平日見佢獨自行街，Madam都大方以真面目示人，呢晚拍拖就戴上口罩，可能怕喺鬧市被人認出啩！見男方捉實Madam隻手甜蜜路經希慎廣場，再行去附近搵餐廳撐枱腳，甜蜜mode唔輸蝕畀班後生仔㗎！

往下看更多文章

俠醫｜丁子朗結局周終極大暴走挑戰成新一代奸角經典馬貫東角色腦瘤病變成悲劇人物？

《健絡通呈獻：俠醫》將於本周進入結局周，劇情絕對可以高潮迭起形容，上周五（9月19日）播出的第十五集，劇情講到因愛成恨的阿Nat（劉佩玥飾）竟協助鄧世鏗（丁子朗飾）迷暈羅穎琛（張曦雯飾）…而結局周一開局，世鏗將對羅穎琛上下其手、根據官方今日（9月21日）發布的「結局周搶先睇」劇照，丁丁不但繼續大晒急色奸險表情包、以及幾達健美級數的標準身形、強勁胸肌+朱古力腹肌，其中一幕更會猖狂地撕爛Kelly黑絲兼瘋狂狼吻右腳，極具視覺震撼。到底羅穎琛最終能否逃過一劫、保住清白？

盧宛茵欲將任遠公司股權轉讓陳豪遭鄭氏父子出盡陰招阻撓

除了迷姦羅穎琛，鄧世堅在結局周將會喪盡天良大暴走，除了會繼續對凌為民（陳豪飾）趕盡殺盡，更會大開殺界鏟除所有眼中釘！到底本身已憑《俠醫》在演技上贏盡好評的丁丁，在結局周能否更上一層樓成為新一代奸角經典？而為了對付鄧氏「三大惡人」（丁丁、鄭子誠、江欣燕），鄧淑歡（盧宛茵飾）欲將任遠公司股權轉讓給凌為民，可惜遭鄧氏父子出盡陰招阻撓，到底凌為民最終能否力抗鄧氏父子、成功保住父母凌任遠心血？

馬貫東單拖肉搏丁子朗

結局周的亮點除了家族衝突，人物之間的衝突及角色命運亦是必睇位。原本是好姊妹的阿Nat和Rachel，因為凌為民終極反目，阿Nat更被憤怒及妒忌沖昏頭腦幫丁丁向Rachel落藥，只是Rachel被蒙在鼓裏。但據知去到結局周，這對「姊妹花」將終極反目，張曦雯與劉佩玥將齊齊放下靚女包袱、鬥歇斯底里向對方瘋狂發爛渣。

另一焦點還有凌為民Buddy阿祖（馬貫東飾）的生死。小時候曾患腦腫瘤的阿祖，上周不時無緣無故暈到兼流鼻血，情況堪憂；據知，下周阿祖病情將再走下坡；而向來衝動的他，更會因看不過眼鄧世鏗的所作所為，不顧自身安危、單拖前往與已喪盡天良的鄧世鏗肉搏大對決！到底阿祖會悲劇收場還是吉人天相，他對於阿Nat的單戀最終又能否開花結果？敬請密切留意《俠醫》結局周。