皮膚敏感靚樣生粒粒 孫佳君買藥急救後風騷晒Body

急救完，皮膚滑返晒！

45歲的性感辣媽孫佳君，自2013年同富商男友劉貴喬甩拖後，雖曾與法國米芝蓮大廚Olivier蜜運，最終又因文化差異，2015年尾分手收場。外籍前度移情失婚梁芷珊，至於孫佳君呢？單身生活好happy，2017年被揭豪花9580萬買入中半山一個實用面積1948呎豪宅，富貴媽媽坦言現在花時間工作、照顧小朋友及keep fit扮靚，根本無暇拍拖。

月月飛嘅孫佳君，早前去咗意大利卡布里島、羅馬等地充電。

不經不覺，孫佳君對寶貝仔分別已14歲和10歲，愛打籃球的大仔6呎1吋高，單親媽曾笑言兩個囝囝破壞力太強，等於養12隻狗，而且兩兄弟又成日打交，細佬成日被打到喊！

兩子由孫佳君撫養，前度劉貴喬不時抽空家庭樂。

日前一連兩日，見愛周遊列國歎世界的孫佳君現身銅鑼灣，一日去釘耳窿；另一日就戴上黑超太陽帽等，頭耷耷去連鎖店買藥，急救泛紅的敏感肌膚。當日穿上一身運動服，戴上黑超、太陽帽密冚零妝靚樣的孫佳君，急步行入連鎖店選護膚品。見她脫下墨鏡雙眼掃一掃眼前產品，遠見到平日皮膚白滑的她塊面生了少少粒粒。

除下墨鏡睇嘢時，離遠見到平日皮膚白滑嘅孫佳君面有少少粒粒。

找不到心頭好，孫佳君就行去藥劑部向店員查詢。等了十分鐘，店員向她遞上兩盒藥，然後她再在櫃檯前挑選多幾盒補健產品，才付款離開。急救完皮膚無耐，孫佳君就風騷自拍大頭泳照放上網，招牌厚唇和34C「雪球」非常養眼。

普通護膚品唔啱使，孫佳君索性去藥房部對症下藥。

當日，孫佳君買完藥治療臉部，還順便買了一堆維他命等supplement。

日前，孫佳君大晒性感泳照，姿態撩人。

日前，孫佳君大晒性感泳照，姿態撩人。

孫佳君新年期間出走日本沖繩，讓自己好好充電再迎接新工作。

孫佳君旅行期間每天爭取時間浸溫泉，促進血液循環令人更靚外，孫佳君更打開心結，自讀書有被馬多次由背摔下恐懼後，終於解開心結，成功再次騎馬，說：「中學嗰陣時有學騎馬，但因為跌過落嚟好多次，之後都好驚冇再騎。今次去沖繩再次騎馬。好開心啲馬好純好乖，唔知係咪因為沖繩環境好，好chill，啲馬都relax啲 。」

孫佳君新年期間去了日本沖繩。

每天爭取時間浸溫泉。

更解開讀書時的心結。

成功再次騎馬。

孫佳君表示好開心啲馬好純好乖。

每年孫佳君例必到日本，特別是較偏遠少遊客的鄉郊地方，讓自己好好貼近大自然，而旅遊期間孫佳君選甚少化妝，好讓心靈得到休息時，皮膚都好好休息，說：「好鍾意去日本鄉下地方，多啲大自然嘅地方，可以好放鬆，心情特別好，笑起嚟都甜啲。好多朋友都話我唔化妝好睇過化妝，咁係我化妝技術差定係皮膚好，哈哈。」能夠Keep住靚Keep住瘦，孫住君鼓勵大家旅行要放低電話，遠離電子產品，好好讓腦袋、眼睛放鬆，更再教大家平日要運動外，亦可多浸溫泉或浸浴，目的是要令血液循環，對皮膚和身體都好好。

孫佳君特別喜歡去較偏遠少遊客的鄉郊地方，讓自己好好貼近大自然。

旅遊期間孫佳君選甚少化妝，讓心靈和皮膚都能好好休息。

孫佳君建議去旅行可多浸溫泉或浸浴，令血液循環，對皮膚和身體都好好。

至於孫佳君有份參與演出、在戲中飾演的士司機，遇上愛「講多謝」又「識英文」的悍匪郭富城Aaron主演電影《臨時劫案》愈戰愈勇，票房場次不斷上升，孫佳君說：「好開心觀眾喜歡，同Aaron已經係合作過幾次，大家都有默契，通常拍嗰陣時佢已經知道想點樣拍。我盡量配合。覺得佢今次個造型真係最特別。一見到已經覺得想笑。」

孫佳君在《臨時劫案》中飾演的士司機。

遇上愛「講多謝」又「識英文」的悍匪郭富城。