幾有新意~
不少人新人結婚都會租花車和旅遊巴，方便出入及接載親朋威友，依家租車可以好多元化。近日網上流傳一張照片，一輛紅Van車前掛上紅色心型花球，「改裝」成一輛花車，相信是用以接載新人或親友。不少網民感驚訝，有人讚這新構思有「創意」，亦有人認為意頭上「差一點」，感覺「唔好睇」。
紅Van車前掛上紅色心型花球，「改裝」成一輛花車。 香港公共交通智庫Facebook圖
有網民在Facebook專頁「香港公共交通智庫」上載一張照片，並留言：「其實紅Van除咗接載乘客外，亦可作租車用途，做花車都唔錯，而且車頂係紅色，祝一對新人新婚快樂！」。從相片所見，一輛紅Van停泊在路旁，車上顯示屏沒有顯示目的地，而車前掛上紅色心型花球，旁邊繫上綵帶，「改裝」成花車般，一睇就知是「喜慶」事！
網民對小巴做花車有不同意見，好壞參半，有網民認為，「紅Van仔變花車有新鮮感」、「配合埋個紅頂都幾好丫」、「不奇丫，好似電車、城巴都可以出租」、「司機都要搵食架，雙贏」。但亦有網民感覺不太好，認為「唔好睇」、「最緊要唔好開咁快」、「唔多好意頭囉，通常紅Van叫亡命小巴」。
近日有網民上載照片，展示其所住屋苑特別製作的聖誕樹，與一般以燈飾、掛球裝飾的聖誕樹不同，這棵樹全由住戶捐出的毛公仔拼砌而成，充滿社區共融的溫暖感覺。
「公仔聖誕樹」充滿社區共融的溫暖感覺。Threads截圖
靚過好多大商場的聖誕樹
該網民分享自己所住屋苑特別製作的聖誕樹，與一般的以花花草草、波波燈和吊飾裝飾的樹不一樣，這個屋苑的聖誕樹用上多隻公仔拼砌而成，而樹上所有公仔均由「住戶捐出嚟」！難怪樓主自豪表示「我覺得自己屋苑棵聖誕樹靚過好多大商場嘅聖誕樹」。
樓主自豪表示：「我覺得自己屋苑棵聖誕樹靚過好多大商場嘅聖誕樹」。Threads截圖
驚現提子聖誕樹
帖文在Threads引起熱議，有網民隨即分享自己所住屋苑的聖誕樹，發現不少屋苑有同樣做法！其中有屋苑的聖誕樹更是掛滿警方的防騙吉祥物「提子」，十分趣緻。
「提子」聖誕樹十分趣緻。Threads截圖
「提子」聖誕樹十分趣緻。Threads截圖
網讚「有意義」
樓主補充，節日過後屋苑事會將聖誕樹「捐出去俾小朋友」，不會造成浪費。不少網民大讚「靚之餘又有意義」、「係住戶們凝聚既感情&力量」。
