陳家樂早前在新片《三條友飲醉走》中，首度跟AV女優友田彩也香合作，怕羞仔家樂早前接受《頭條日報》訪問時，在彩也香身邊明顯表情僵硬，相當搞笑。而他尷尬表示未欣賞過對方的「作品」，但大讚女方聰明，兩人合作愉快，彩也香更認為高大靚仔的家樂，絕對是她理想型，望兩人再有合作機會。
要求家樂搭着彩也香膊頭時，他竟然驚到連手指也不敢放下，女方忍不住笑他
家樂在《三》片中飾演無責任感的「富二代」，一直視彩也香為性幻想對象，後來在Party中飲醉後，發覺「女神」現身，「究竟係幻想定係真實，到時大家睇電影就知啦！」家樂大賣關子說。
戲中家樂跟彩也香有不少親熱戲份，以往鮮有這類拍攝經驗的他，自然特別緊張，但問到會否睇定對方「作品」作品參考，他即時怕羞說：「我仲未睇過佢啲作品，我哋拍嗰啲親熱場口，真係佢放膽過我，同埋我哋語言溝通唔到，我都會有啲擔心，點知佢好聰明，記得我啲對白喺邊度停佢就識接，真係好叻。」
彩也香亦禮尚往來，「我最鍾意男仔咁高大，佢仲要咁靚仔，當然係我理想型啦！都想我哋可以再合作呀！」但講到最想合作的港星，她即雀躍說：「Jackie Chan（成龍），最想合作拍動作片。」彩也香已非首度來港，始終冇機會四圍參觀，「到時嚟宣傳，希望家樂可以帶我去食好嘢，同埋上山頂睇夜景啦！」
