始終只係想要個瓦遮頭。
節目截圖
開電視的最新旅遊節目《美少女日本民宿》由多位美少女主持，包括張沛樂（沙律）、羅堃尉（Karen）、劉沛蘅（Hillary），Karen與沙律更因浸溫泉，即時人氣急升。節目除了介紹日本民宿或旅遊勝地之外，一眾主持更會分享自己的心路歷程，在最新一集之中Karen提到在香港幾乎不可能可以擁有自己的家，期間她更感觸落淚。
節目截圖
在節目中，Karen參觀了一間與屋主共居的民宿後，就在房內分享感受：「我自己住嘅屋企其實就相對比較細，首先我自己間房係得幾十呎，同埋我係瞓碌架床嘅上格床，下面係衣櫃同書枱，我覺得香港真係樓價太貴，咁辛苦做嘢搵咁多錢，買樓畀首期嗰吓可能就冇咗一大半，甚至係冇咗九成，之後仲要慢慢咁供落去，對於香港年青人嚟講係一種好難負擔得起嘅壓力，大家埋頭苦幹就係為咗層樓，想買到一間自己嘅屋企咁，咁所以係好難負擔得到。」
IG圖片
然而，Karen突然落淚，工作人員問她是不是在供樓，她雖否認供樓，但仍泣不成聲，待心情稍為平伏後就解釋：「因為我覺得身邊好多朋友，佢哋都因為住屋問題好大壓力，加上可能同屋企人嘅關係未必真係好和融洽嘅話，有時困死喺同一個地方，大家未必係咁夾，或者有面阻阻嘅感覺。咁間屋又咁細，有時都會大壓力，同屋企人又有拗撬，係一個好難改變嘅事實。因為地太少，人又太多，所以真係好難負擔到一個屋企，咁我自己都好希望可以儲到一筆錢，建立一個屬於自己嘅家。」
IG圖片