朱智賢車廂幽會人夫黎振燁 強調謝東閔只屬好友　

原來只係好朋友。

朱智賢驚爆背男友謝東閔，搭上人夫黎振燁！

33歲落選港姐朱智賢（Ashley）昨日驚爆背男友謝東閔，跟有「翻版古天樂」之稱的港男兼人夫黎振燁（Jackson）搭上！一對「偷情男女」昨午更被發現於人跡罕至的屯門山路車廂密會，當時，正在後座甜蜜食蛋糕的二人被傳媒撞破後，隨即慌忙地烏低身、以雙手遮面，Jackson邊含住口蛋糕邊走上駕駛座，追問是否背棄偷嗒Ashley？兩人是甚麼關係？他口震震稱雙方「唔係一齊」，又叫大家唔好誤會；Ashley就坦承知道對方有老婆，跟Jackson只是同事，至於跟謝東閔的關係？她強調：「我哋一向都係好朋友。」

朱智賢（前中）和黎振燁（左）昨日於車廂幽會被斷正！

但據悉，Ashley和Jackson上月因合拍新劇《食腦喪B》而撻着，飾演情侶的二人於拍攝期間已表現得親暱曖昧，更有指他們試過在外景場地離奇消失近兩小時，要工作人員發散尋人！然而2016年參選香港先生時，Jackson已表明跟初戀情人L小姐早於2015年結婚，目前太太懷孕8個月，想不到黎太臨盆在即，他卻背着另一半密會其他女性！

黎振燁跟初戀情人L小姐早於2015年結婚，目前太太懷孕8個月。

事件曝光後，兩位當事人即將Instagram（Ig）設為私人帳戶；外間就有傳無綫大為震怒，並已下「封嘴令」以免講多錯多，而原定昨午出席《機場特警》宣傳活動的Jackson亦臨時缺席。另有消息指，Ashley和Jackson打算於今日開記者會解畫。

朱智賢與謝東閔於2017年傳出緋聞，二人更經常結伴出席Crazy Runner聚會。

至於近日忙為新歌《最冷的一天》宣傳的謝東閔，忽然被Ashley降呢朋友，不少網民都替他不值，並紛紛留言支持謝東閔：「唔好為Ashley傷心，佢唔值得你為佢傷心」、「加油！出面大把好女仔」等。

謝東閔忽然被降呢朋友關係，一眾粉絲也替他不值。

39歲的前港姐朱智賢（Ashley）一向是愛狗之人，愛犬Donut於去年離世，一度令她傷心不已，今年她迎來一隻新狗狗「Taco」。雖然她對愛犬的更都親力親為，但有時都因為工作而需要有人幫手湊狗，所以她長期僱用外傭，早前好幫得手的工人姐姐完約回印尼後，她就請了一位新的工人姐姐，但想不到對方抵港工作一星期就「出事」！

朱智賢17歲的愛犬Donut於去年離世。

今年迎來一隻新狗狗「Taco」。

好幫得手的工人姐姐回印尼後，她就請了一位新的工人姐姐。

朱智賢昨日（12月10日）先在IG Story出現PO，大爆新工人姐姐的「極品」行為，「今日簡直係開拓咗我三觀，工人姐姐問我『依家咩年代呀？唔畀用電話』 我想問香港有邊一個打工仔，喺開工嘅時候可以用電話？然之後再同老闆講以上呢番說話。」

想不到新工人姐姐抵港工作一星期就「出事」！

之後，朱智賢再在「Threads」大呻工人姐姐拒絕工作，不肯帶愛犬落街散步，「工人姐姐嚟咗一個星期，同我講佢好攰唔帶隻狗落街兼且態度差，你哋會點處理？」她又透露與工人姐姐面試時已講明照顧狗狗是主要工作，「佢仲同我講自己好鍾意狗」，更指工人姐姐這些行為擺明博炒，「又話唔鍾意我屋企有Cam ，仲問返我轉頭 『依家咩年代唔俾人用電話？』，又話我逼佢同隻狗落街，話佢本身都唔想落」，搞到朱智賢要自己帶愛犬落街。

朱智賢要自己帶愛犬落街玩。

不少網民都提議朱智賢向僱傭公司投訴，朱智賢回覆網民表示已向僱傭公司反映，「佢（僱傭公司）要我俾錢請第2個，比個discount我，比左17,000幾蚊就咁就冇咗。」

朱智賢IG圖片

朱智賢IG圖片