被誤會宣佈退出娛樂圈鄧月平：我畢生志願係死喺大螢幕

2020年06月02日 15:40 最後更新：17:16

原來係宣傳。

擁有F級導彈身材的鄧月平（Larine）於抗疫期間冇工開，所以不時都去野餐、行山消磨時間，而近日她於社交網貼出的靚相均Tag了一位男友人，令外間猜測她有新戀情！

點擊看圖輯

鄧月平煞有介事拍片表示有嘢宣佈，仲話希望大家會尊重其決定。

原來是宣佈開了新YouTube Channel教整嘢食

傳有新戀情的鄧月平忽然有嘢宣佈，眾網民猜測她要退出娛樂圈。

資料圖片

對此，Larine未有作任何回應，不過昨晚她卻於Instagram（Ig）上載了一條自拍片，表示晏啲有嘢會向大家交代清楚，片中，她神色凝重地說：「我今日拍呢條片，其實係有啲嘢想同大家講，呢件事係經過我幾個月嘅深思熟慮同策劃而決定，好多謝身邊一直支持我嘅粉絲、經理人同朋友，希望大家會尊重我呢個決定。」此片一出引發網民熱議，有網友問：「休息？結婚？」、「退出娛樂圈？」、「有咗BB？」，並紛紛表示又驚又好奇！

結果數小時後，Larine再於Ig出Po公佈消息，原來她只是宣佈新YouTube Channel面世了，並留言：「今日係1/6/2020，我要宣佈我嘅channel寶寶出世啦，籌備咗幾個月嘅節目出世啦，第一集由淺入深《義大利麵麵團》#哈哈哈」一眾粉絲即鬆一口氣。

對於被誤會邀宣佈退出，Larine即拍定心丸回覆：「呢個你放心，永遠不會。我畢生志願係死喺大螢幕。」

往下看更多文章

新生代武打女演員鄧月平再展真功夫魅力首征亞洲跆拳道賽勇奪銅牌為港爭光

香港新生代武打女演員鄧月平（Larine）近年以真功夫打出成績！除演藝工作外，Larine近年醉心武術與跆拳道，跨界成為運動員。繼8月在亞洲跆拳道ITF國際賽香港選拔賽中，越級挑戰成功，由48kg組別越級挑戰52-58kg組別，並以第一名資格代表香港出戰馬來西亞ITF亞洲賽。

10月中，Larine代表香港出戰於馬來西亞布城舉行的「第十一屆布城跆拳道挑戰賽2025（Putrajaya Taekwon-Do Challenge 2025）」，首次參加亞洲級賽事即勇奪A18女子黑帶48公斤以下組別季軍，為港隊摘下銅牌，成為賽事焦點之一。

是次賽事由International Taekwon-Do Federation（ITF HQ Korea）主辦，匯聚多個亞洲地區精英選手角逐。Larine憑年初考獲黑帶一段資格穩定發揮，對戰各國選手時戰術靈活、腿法有力，表現亮眼。她賽後表示：「跆拳道比我以前練嘅搏擊項目更著重腿部控制同臨場冷靜，今次比賽令我學識點樣喺壓力下保持專注。」

中國香港傳統跆拳道總會主席兼隊伍總教練李安東師賢表示，香港隊於跆拳道強國馬來西亞取得多面獎牌，成績令人鼓舞：「選手們多年訓練的成果今日得到印證，香港有能力喺亞洲舞台上發光發亮。」除鄧月平外，港隊其他成員同樣表現出色，包括李泊淳（冠軍）、林一斐（冠軍）、傅泓皓、傅泓睎（雙亞軍）及陳嘉敏（亞軍）等，均為港隊帶來佳績。

Larine笑言，能代表香港出戰已是莫大榮幸：「今次希望盡力而為，馬來西亞選手實力非常強，所以攞到銅牌已經非常開心！」她特別感謝教練Bruce長年風雨不改陪訓：「呢段時間嘅訓練令我喺心態上成長咗好多，由演員跨界成為運動員，心理質素同體能都得到鍛鍊。」

早年入行後，鄧月平演出多部電影作品，包括《小男人週記3之吾家有喜》、《正義迴廊》、《墮胎師》、《惡行之外》等，演技亮眼、形象清新。近年醉心武術與動作，已完成了數部動作電影的演出，即將排期上畫，正式轉型成為新生代動作女演員。她笑言：「演戲係我無法捨棄嘅夢想，但喺成為武打演員嘅過程中，我發現自己有另一種熱血同力量。」

Larine透露，踏上武術之路源於四年前拍攝一部動作電影：「當時時間同budget都非常緊張，我提早接受密集訓練，幸好細個學過瑜伽、中國舞、泰拳、跆拳道，所以都有基本功底。拍完之後好多武師前輩鼓勵我要繼續打、繼續練。」之後她陸續學習詠春、兵器訓練，更遠赴武當山閉關學習武當劍術，持續提升實戰能力，立志成為專業動作演員。