被誤會宣佈退出娛樂圈 鄧月平：我畢生志願係死喺大螢幕

原來係宣傳。

擁有F級導彈身材的鄧月平（Larine）於抗疫期間冇工開，所以不時都去野餐、行山消磨時間，而近日她於社交網貼出的靚相均Tag了一位男友人，令外間猜測她有新戀情！

鄧月平煞有介事拍片表示有嘢宣佈，仲話希望大家會尊重其決定。

對此，Larine未有作任何回應，不過昨晚她卻於Instagram（Ig）上載了一條自拍片，表示晏啲有嘢會向大家交代清楚，片中，她神色凝重地說：「我今日拍呢條片，其實係有啲嘢想同大家講，呢件事係經過我幾個月嘅深思熟慮同策劃而決定，好多謝身邊一直支持我嘅粉絲、經理人同朋友，希望大家會尊重我呢個決定。」此片一出引發網民熱議，有網友問：「休息？結婚？」、「退出娛樂圈？」、「有咗BB？」，並紛紛表示又驚又好奇！

原來是宣佈開了新YouTube Channel教整嘢食

結果數小時後，Larine再於Ig出Po公佈消息，原來她只是宣佈新YouTube Channel面世了，並留言：「今日係1/6/2020，我要宣佈我嘅channel寶寶出世啦，籌備咗幾個月嘅節目出世啦，第一集由淺入深《義大利麵麵團》#哈哈哈」一眾粉絲即鬆一口氣。

傳有新戀情的鄧月平忽然有嘢宣佈，眾網民猜測她要退出娛樂圈。

資料圖片

對於被誤會邀宣佈退出，Larine即拍定心丸回覆：「呢個你放心，永遠不會。我畢生志願係死喺大螢幕。」

鄧月平的複式獨立屋因為暴雨而變成「水舞間」，水位更一度浸到小腿位置。

天文台由9月7日晚11時05分發出黑色暴雨警告，全港多區道路嚴重水浸，不少藝人的家亦成災區，鄧月平的複式獨立屋更驚變「水舞間」！

鄧月平IG圖片

鄧月平IG圖片

鄧月平於9月8日凌晨在IG Story貼出影片，可見她赤腳走到露台，驚見已變成「水舞間」，水更已浸至小腿位置，令她忍不住爆粗：「What the fxxk！」回到疑似客廳亦滿地是水，她只能無奈的表示：「估唔到有一日可以係屋企玩水水...」

露台水浸到小腿位置。

疑俊客廳亦滲水。

想不到，原來不止水浸，是全屋漏水，鄧月平在廚房的爐頭上鋪滿毛巾吸水，又在抽油煙機上放了一個大膠盆接水，並哭笑不得的表示：「落個雨全屋漏水，露台水浸，我經理人話水為財水為財，我真係多謝你呀，正面樂觀呀喂。」最慘的是，就算外面已停雨，鄧月平房間內的「雨」仍在滴。

全屋漏水。

外面停雨，但屋企仍未「停雨」。